الحب هذا الليل جاوز حدوده !!!!!!!!!!!!!!!!!!!

مما جادت به القريحة :
. . .
. .
.
الحب هذا الليل جاوز حدوده
لين اكتمل عشق وغرام وتـُولـّـه
.
للصاحب اللي فرحتي في وجوده
اكبر من التوصيف والحكي كله
.
لي مدةٍ وانا على الوصل احوده
ايلين حقق مطلبي وامتثل له
.
لبّى احتراقه بي ولبّى بروده
عن كل خلق الله لا شاف خله
.
لبّى عيونه ثم لبّى خدوده
ولبّى ثمان ٍ بالحلا مستظلة
.
ولبّى النحَر يسطع ولبّى نهوده
ولبّى الشعر من فوق متنه يفله
.
ولبّى ردوفٍ ترفعه في قعوده
ولبّاه خصر ٍ له تقل خصر دلة
.
ولبّى سواليفه ليا جت ردوده
ولبيه لا غـنـّـى قصيدي وشله
.
هذاك له فوق المماليح زودة
جمع صفاتٍ نادرة مستقلة
.
الله عطاه من الحلا جل جوده
يا وش جمال اهل الصور بالمجلة
.
زرته وعاهدته على الوعد اعوده
واجيه في ديرتـْه وازور حِـلّه
.
واقضي معه ليل ٍ تقاصر حدوده
واعلمه معنى الغلا والتـُولـّـه
. . .
شعر
راجي الوصل
. . .
. .
.
فاصلة :
إذا أحببت شخصا ( ما ) فلا تندفع له بكامل مشاعرك
فإن الصدمة عادةً تكون بحجم المشاعر المبذولة !

لبّى عيونه ثم لبّى خدوده
ولبّى ثمان ٍ بالحلا مستظلة

ابدااع يفوق الخيال
ابيات رائعه فعلا من شخص عودنا على الابداع

واما بالنسبه للفاصله ..
فأقلك : تراه اعمى وانا خوكـ

.
الله عطاه من الحلا جل جوده
يا وش جمال اهل الصور بالمجلة
.
زرته وعاهدته على الوعد اعوده
واجيه في ديرتـْه وازور حِـلّه

صح لسانك اخي راجي الوصل على هذه الابيات الجميله
تقيل مروري

صح لسانك

ع جمال هذي القصيدة

شكراً لك

لك الود وباقات الورد




أميرة الورد

لبّى عيونه ثم لبّى خدوده
ولبّى ثمان ٍ بالحلا مستظلة

ابدااع يفوق الخيال
ابيات رائعه فعلا من شخص عودنا على الابداع

روعـــة لامتناهيه الحدود *
..
شكراً لك أخي بحجم الـــســــمــــــآء
.
.
تحيتي

قصيدهـ غاية في الجمال والإبداع الشعري

ألف صح لسانك راجي وصل

تسلم وننتظر منك المزيد .. الله يحفظك

خالص تحياتي
أخوك