فوق هام السحب ( الشعر الشعبي) على متن القوافي

أحمد الله ما بقالي على الدنيا حسّوف
‏الفرح يلقى شكر .. والحزن دفعة بلا

‏الليّالي علمتني وأنا طبعي عيوف
‏أرتجي رب الملا .. ما ترجيت الملا

‏والله إني ما تضيعف مع الناس الضعوف
‏أقفي اليا صار .. مالي قبول ولا غلا

......

ما بين ليت ويا عساها ولا باس
‏دربٍ عطى عمره للأحزان كله

‏ما أحتاج ترسيخ العلاقة مع الناس
‏أحتاج ترسيخ العلاقة مع الله

......

‏حاول تداري شعورك قد ماتقدر
‏ماتحرق الجمره الا رجل واطيها

‏اللي مايقسم عسر ، مكتوب ، ومقّدر
‏ كثر التحاسيف تمرض كبد راعيها

......

‏كل الأمور اللي تجينا مقادير
تدور فينا الأرض وندور فيها

يالله براحة بال وبخاتمة خير
وأعمال قبل الموت نحسد عليها

......

يكتمل نضج البنادم في شعوره
‏لا شرا الخلوه وملَّ من التواجد

‏ولا أنا ياوجه غيبتْه وحضوره
‏ماخذٍ حتى خشوعي في المساجد

‏كل فجرٍ يطرق الشبّاك نوره
‏كيف أسج وفيه من ضحكتك واجد

......

الله يزيل الضيق عن شاكي الضيق
‏ويعوض الضايق سرور وسعادة

ويحقق الأحلام للناس تحقيق
‏ويزود الصابر صمود وجلادة

......

ترى صدور الناس مثل المخازن
‏ياما بداخلها من الشر والخير
‏ٰ
‏وأكبر نجاحك في الحياة التوازن
‏والصبر لا صكت عليك المقادير

......

تطوي خطاوينا مسافات الأيام
‏وتجنح بنا الدّنيا وحنّا غافلين
‏
‏يالله تنجينا من دروب الظلام
‏ وتختم لنا الدنيا وحنّا ساجدين

......

‎الحديد يَفك بالضرب والقاسي يلين
‌‏وقو عزمك لو ضعوف الرجال تحاربك
‌‏ٰ
‌‏داحم اهل الطيب بالطيب والجنب المتين
‌‏لين عطران الشوارب تعطر شاربك

‏متابعيني كلهم قمـــة الذوق
من حُبهـم حتى التواصــل هويته

اناوهم تشبيه عاشق ومعشوق
وغلاتهم داخـل خفوقي بنيته

هذا كلام القلب من كل الاخفوق
من قلب صادق بالمحبه حكيته

ارسل لهم حبي مع كامل الشوق
لكل غالـي في حياتــي هديته


الحمدان .....