فوق هام السحب ( الشعر الشعبي) على متن القوافي

‏خطيت فيك اشعـار ماقالهـا انسان
وكتبـت فيك ابيـات ماحـــد كتبها

ورسمت لك لوحــه بها كل الالوان
من قبلــي الشُعار ماحـــد رسمها

ياحـب قلبـي فيـك ذايب وولهان
والروح ياروحـــــي غرامـك نهبها

وعشقك تملك داخلي كل شريان
حتى العظام اللي بجسمي سكنها

......

‏اللي يقــدر قيمتـــك يرفعـــــك فوق
واذا تكــدر خاطـــــرك جاك يرضيك

يسقيك من عذب السواليف والشوق
ومهما حصــل فـي دنيتك ما يخليك

وانا معك يا صاحب الحسن والذوق
لو تطلب انفاسي ترى النفس تفديك

وان حالة الدنيـــا ومـن غير منطوق
ابشــر بعـــزك لو تبي الروح اعطيك


......

‏صـدري وطــن لو خانتك كل الاوطان
لو فارقــــوك الكـل عمــري مخونك

انت الذي لك في حشا الروح بستان
ووسط الكبد غارس ونابت غصونك

والله لو ماضـــل في الكــون انسان
انا معــك احفــظ مقامك واصونك

ولو حــال فيمـا بيننا قهـــر الازمان
يحــرم عليا العيـــش لحظه بدونك

......

القلوب آسرآر و آلدنيآ عبر
وآلعمر لو طآل تآليه آلرحيل

و آلخوآطر كسرهآ مآله جبر
لو يعيد آلوقت مآضيه آلجميل

......

‏يشد فيني الحنين لماضي أيامي
وأحن له كثر ماهو داخلي يقسى

مهما تمر السنين وتمضي أعوامي
مازلت مشتاق الى أيام لا تُنسى

......

‏طبعي كتـــوم ومــن سمعني عذرني
ماحـب احكـــي ما بقلبي من اسرار

آآنا كذا من يــــــوم ربــــي خلقني
اخفـي بصـــدري ماجرالي وماصار

حال الزمـــن والوقـت هذا جبرني
خلاني اعشق وحدتي خلف الانظار

اكتم شعــوري داخلي غصـب عني
واضمد اوجاعـي ومابي من اكسار

......

‏يا ويــل قلبي منّـــك لاحــل طاريك
نفسي وهــي نفسي تشــك بـ غلاها

أنسى اسامي الناس واغلط واناديك
قلبي معــك كـل الاسامـــي نساها

ياساكـن اعماقــي انا ميت ن فيك
ومشاعــري بالقلــب حُبك خذاها

وقلبي مولَـع بك وهايـــم بطاريك
وروحي تحبـك حُــب لآخـر مداها


......

‏من ناحيـة قلبي قسمتـه لك أنصاف
النصـف لك والنصـف الآخر لاهلك

اللي عطوني بنت ماشي لها اصناف
ولا شاهـدت عيني بها الكون مثلك

تحفه خلقها الله محمـود الالطاف
سبحان مـن صّـور حلاتك وشكلك

اعطاك ربي زيــــن نادر بالاوصاف
ومن اجمـل الاوصاف ربي وهبلك

......

على بَالي وَمـا تِعلم بِحـالـي
وعَـايش فِي حَياتك مُستَريح

أُفكّـر فيـكَ انا طُـولَ الليَالي
وانا تَعبـانَ فِي فرشِي طَريـح

فُؤادك ياغَلى بالشـوقَ خَـالـي
ومِن شَوقي فُؤادي هُو يَصيح

تـمُـر أيّـامَ مِـن غـيـرَ التَلاقِي
ولا حـتّـى رِســالـة يـا مَـلـيـح

وجُـودك هوسلى قلبي وحَـالي
وكُل فَرحـة وسَـط قَلبي يُتيح

أمَـانـة لا تَغيبَ ارحَـم لحَـالي
وخلَّـيـنـي أشُـوفـك واستَـرِيح

غَريب الحُب ومنّه كَم يُعـاني
ومنّه كَـم وَكـم واحِــد جَـريـح

......

‏جعـل السعـاده يـا متابع لك غيوم
‏تمطر على ارض المشاعر وترويك

‏وان كان في صدرك تعاليل وهموم
‏تغسـل مجاري خافقك لين ترضيك

الحمدان ....