فوق هام السحب ( الشعر الشعبي) على متن القوافي

ياناس ياللي نومكم فالمخابي
ماحدٍ يسلفني من النوم غطه

النوم فازوا به كبار العلابي
كنهم يعبونه من اقرب محطه

......

الزين فتنه والحيا زادها زين
وليا مشت سبحان ربي خلقها

ما كنها إلا مهره بـالمياديـن
الله عن الخيل الأصيله فرقها

......

‏متابعيني كلهم قمــة الذوق
من حبهـم حتى التواصـل هويته

اناوهم تشبيه عاشــق ومعشوق
وغلاتهم داخــل خفوقــي بنيته

هذا كلام القلب من كل الاخفوق
من قلب صادق بالمحبه حكيته

ارسل لهم حبي مع كامل الشوق
لكل غالـي فـي حياتــــي هديته



اهداء لمتابعيني

مانبدي الزله ولانقبل الزيف
‏وان ضيعوا بعض البشر ماغدينا

‏تبقى لنا بصمه ونحفظ معاريف
‏على دورب الطيب حنا نشينا

......

‏كم من ظروفٍ فرّقت بين الأحبـاب
‏لــكن مــن يــغليك مــا شي يعيـقـه

‏ومــهما تباعدنـا ومهما الجسد غَـاب
‏أحــس رُوحــه دوم جنبـي رفيقـة

......

‏من حفظي لحبّك تركتك على شان
‏ما تمشي الفرقا كذا بالتدرّج
‏محمد المقحم

‏احسن يموت الوصل وتعيش الأحزان
‏ولا يموت الحبّ وأنا اتفرّج
‏عفّاس بن حرباش

تخفي غرامك لـكـن الشوق فضاح
والحب ما يستر عـيـوب المحبين

واللي ابتلي بالحب وشلون يرتاح
لاصار عنده جرح واليوم جرحين

......

لو عرفت أن الوفاء ما له ضمان
كان كلن راح في دربه وشانه

كل ما تعطي وفاء لغدر الزمان
ما يجيك من الوفاء غير الخيانة

وكل ما حطيت للواجب مكان
ما لقيت لواجبه قدر ومكانه

......

الضمائر تحتظر والأم تبحث عن بقايا
من بقايا عيش نسيوها عديمين الكرامة

وسط برميل القمامة فتشت كل الزوايا
لم تجد غير الضمائر ميتة بين القمامة

محمد قعشه

‏ياما فقدنا تحت عوج النصايب
واللي فقدناهم على القلب غالين

من بعد فرقاهم تهون المصايب
لوكثرت الاحزان ما تدمع العين

وان ادري ان الحزن ما رد غابب
لاكن على ما قدّر الله راضين

.....