فوق هام السحب ( الشعر الشعبي) على متن القوافي

يازين الخيال اللي بلا موعد ومرسول
‏لا صور لي اللي ما تصّوره كيمرتي

‏تمرين مثل الحلم فالذاكره و اقول
‏عسى الله يخلي لي خيالي وذاكرتي

......

بعض البشر تلقاه صدفه وتغليه
حتى الـقلم يمـه يحب الـكـتـابه

أفـرح وأهلـي فيه يـوم التقي فيه
وشكـرت حظ ساقني له وجابه

......

مكاسب الدنيا حظوظ وتوافيق
وحكم القدر كل البشر يجهلونه

والرزق لاساقه ولي المخاليق
محدٍ قدر ياقف من الناس دونه

......

بين السكوت اللي حفظنا به الود
و بين العتاب اللي ماهو في متمّه

عشنا الهوى دافي ولا مرّه البرد
و اللي نثره الوقت قمنا نلمّه

حشمت حبّه عن جراحي عن الصدّ
و لا عثت فيه الظروف الملمّة

أحبّ قلبه حبّ لو شالته نجد
تطرب معاها بالهوى كل يمّه

......

كم غايب ما غاب ذكره عن البال
وكم حاضر يشبه حضوره غيابه

ما كل من يبعد عن العين ننساه
بعض البشر طيبه يعوض مكانه

......

حلم يراودني على مر الايام
والحلم قاسي والمشاعر رقيقه

حاولت افسر ماجرالي من احلام
واحترت بين اضغاثها والحقيقه

عليك ياللي رمش عينيك مقدام
وانا امنياتي في بحورك غريقه

......

لا تلبسين الذهب وٱنـَتي الذهب كله
ما ظنتي للذهب في معصمك خانه

لا تحسبين الذهب مانتي بـ كفواً له
انتي خلاص الذهب لا غلا ميزانه

......

‏سمحنا و عفنا و انثنينا عقب الأقبال
و ذي عادتً لا يمكن ان حن نخليها

الى ما لقينا من هل الدار طيبة فال
نشوم و نخليها لمن هو سكن فيها

صحيح الفراق مضرّ لكن على ما قال
ما تحرق الجمره سوى رجل واطيها

عرفنا بعز النفس من عاد حن جهال
و كبرنا و من له عادتٍ ما يخليها

......

‏مجامل المخطي على فعله خطأ
وفـ المجتمع عـاده نفاق ورديه

يامجامل المخطي ولوطال البطا
لابد مـا تاصلك منه الخطيه

......

الليل دون احباب عمرک ماهو ليل
‏لا صرت وحدک بين ضيق واغاني

‏مثل الشعور اللي بليا تفاصيل
‏اسمه شعور ولا يھز المحاني

......