فوق هام السحب ( الشعر الشعبي) على متن القوافي

الظروف القاسية تتعب زحول الرجال
تتعب اللي في المواقف يجمل صيتها

والزمان الشين يضربنا في كل حال
والصعايب تحدتني وانا تحديتها

......

إما جلوس العز بين الأجاويد
ربعٍ على المذهب ونعم البطانه


والا لحالك سج رجلك مع البيد
واحذر جلوس المهزله والمهانه

......

دنياك ما تستاهل الكبر والطيش
رحله قصيره ينتهي كل طايش

محدٍ مخلد دايم الــــدوم ويـعيــش
ومحدٍ ظمن يصبح مع الناس عايش

......

والله لو تملك من المال مليار
وانته قليل الدين مالك سعاده

أن كـان تبغالك معزه ومقدار
خـل أجتهادك في كثير العباده

......

‏ياصدري فتحت ازرار ثوبي وشلت الكوت
‏ابي تنطفي نار في الأضلاع مشبوبه

‏انا معي ضيقة شايب سمع طاري الموت
‏يشوف الحكي صوبه وهم ماهم صوبه

‏يعرف ان وقته زل وان العمر موقوت
‏ولا هو بعايش كثر عمر انقضى دوبه

‏فنو جيله اللي عمرو في البلاد بيوت
‏ليا شافها من عقبهم ضاق به ثوبه

ولا عاد به ناس تزوره ترد الصوت
‏يقضي فراغه منطوي يحسب ذنوبه

‏الا ياصدر لا ضايقك همك المكبوت
‏توجه لـ رب يشفي ويقبل التوبه

‏لو انك ب ليل وموج بحر وببطن الحوت
‏اذا انك دعيت الله نجاك بأعجوبه

......

كابر على حزنك وخلك هادي
‏وان جابوا لـ طاري المفارق سيره

‏قل المفارق لو كسرنا عادي
‏اختاره الله واختياره خيره

......

‏ي اعز واغلا من تشوفه عيوني
يا منوور الدنيا عليه بطلتك

عليك عذال الهوى يحسدوني
مانقصوا عندي غلاك ومحبتك

......

‏مابي اعترفلـك بالغلا و أنت غالي
خلگ كذا مـا بيـن ضامن و شكاك

مره تقول أن فيْـہ غيـرك فـبالـي
تقول أن مابہ انسان يسواك

......

حاولت انام بس ماتهيا لي النوم
والنوم والهاجوس ماهم ولايف

ماتستريح العين والبال مهموم
ولا يستقر الحال والقلب خايف

غديت مثل اللي بالاعدام محكوم
ما مات لكنه من العمر عايف


......

بنت الشيوخ اللي يفكون الأنشاب
خل الغلا والحب تبقى على جنب

تكتب شعر تلفت نظر تحرق أعصاب
والذنب ذنب الشعر هي مالها ذنب


......