فوق هام السحب ( الشعر الشعبي) على متن القوافي

جتني تمشى تجر الثوب خجلانه
تقول لولا الغلا ماجيت انا يمك

قلت ارحبي يامنى قلبي وشريانه
دام الغلا ساري في دمي ودمك

....

ناديتني وقلبك بالشوق عامر
وجاوبتگ بصوتي العذب لبيه

لبيه ياللي في بحور الهوى تامر
لبيه ياقلبن بقلبي واخاف عليه

....

بعلمك وش داخل الصدر واهديك
بيت على بحر الأحاسيس موزون

يومي ليا منه إبتدا وانتهى فيك
إي والله اني اسعد إنسانه بالكون

....

ما دريت أن القلوب العاشقه حسّاسه
ليـن من وثـق قيادي حطني في كمّـه

شالني والحب ذعذع وأحتمی نسناسه
و العهـد بينـي و بينـه مـا تبـور الذمّـه

واحدٍ طوّع عنـادي قبل أليّن باسـه
و الجـوارح كلبوهـا بـ وصلتهـا يمّـه

أتجمد فوق صمتـه وأحترق بأنفاسه
وأتبخّـر من هيـامي و أنثـره و المّـه

....

إن جيت كنّي جيّة المنفلت لا ثار
وإن رحت كنّي غفوة الذاهن الراقد

إن شفت نفسك حاجه نادرة تكرار
أنا الحاجه اللي مالها لك بدل فاقد

....

يا وجودي كل مارحت بـ لحالي
كل قـااعٍ جرهديّـه غدت كنهـَاا

جفرةٍ ما دوننهـا عِرق ورمالي
طامنه حتتى الذعاذيع تدفنهـَا

....

احبك ومن حبك خسرت اقرب الاصحاب
اذا عاتـبوني فــيك وعـتابهم مــابيـه

احبك وﻻ تسأل حبيبي عن الاسباب
انا لو اعرف اسباب حبك قدرت انهيه

....

رحنا وجينا وصار الصبر مثل السلاح
‏ماعندنا كان ماطاعك زمانك طعه

‏نخاشر الطير لو انه يرفّ الجناح
‏ونسوق الاقدام ودروب النشاما سعه

....

هل السلام عليكم جايةٍ من سلام
ناسٍ تسلم علي والكره في عيونها

ترى العدو المبيّن يستحق إحترام
العله اللي عداوتهم يخشونها

وأنا لو الكره يزعجني تراه اهتمام
حياتكم لجل كرهي لا تخلونها

تعبت أعلمكم إن الحب وإلا المقام
يعطيها ربي ماهم بالناس يعطونها

يا لايمي ماعليك ولا عليهم ملام
لـ أهل المعالي طرايق ما تعرفونها

السكته اللي على رضاها يدور الكلام
بدري عليك أنت وأمثالك تسوونها

....

الشوق يكبر وقدرك بالغلا يكبر
شف ودّك اللي خذاني وين وداني
.
من كثر ماشتاقلك وأغليك وأتصبر
قام يتلعثم حنين القلب بلساني
.
أخاف أبين مدى حبك و تتّكبر
وأخاف أبين صبر قلبي وتنساني

....