فوق هام السحب ( الشعر الشعبي) على متن القوافي

‏لاجيت والشوق بيّن من ورا عيني
خل السوالف حبيبي بيني وبينك

ماني بـ حاجة كلامك يا معنيني
انا بحاجة شعورك عطني ايدينك

....

‏اكتب واسلّي خاطري بالكتابه
‏كود التهي في نظم الابيات وانساه

‏واثر القصايد منه قامت تشابه
‏من وين اقلّب دفتر اوجاعي القاه

‏هذي قصيده قلتها في عتابه
‏وهذي قصيده قلتها يوم فرقاه

‏وذيك القصيده قالها من عذابه
‏يكتب قصيدٍ منكسر بس مااحلاه

....

‏أنظرك وأتخيلك وأستلهمــك
‏وأسمعك فى كل معزوفة نغم

‏أن نويت النوم حلمي أحلمك
‏وإن صحيت ألقاك همى والألم

‏لاتصدق مين يقول ويوهمك
‏فرق مابين الحقيقة والوهم

‏أنته عندي غير ربى يسلمك
‏عن جميع الناس عندي والنعم

....

‏تعبت اجامل وضعنا واتحراك
‏تعبت لين الشوق وصل لحده

‏فرقاك يوجع اخ من هم فرقاك
‏قطع عروق الشوق والحب هده

‏سافرت من دنياي طامع بدنياك
‏لكن ظروف الوقت تبغى مصده

‏قلبي الي يعشقك يا كم تمناك
‏لكن تقاليد العرب دومم ضده

‏ماهو بـ يخفاني ولا هو بـ يخفاك
‏بس الزمن ياصاح ماني بنده

....

روحي التي أزفت عليها الآزفه
تهدي المشاعر كالسيول الجارفه

سيلٌ تقاذَفني وجثَّ جوانحي
بقصائدٍ مجنونةٍ متكاتفه

سلَّمت أمر الحب حين تقدمت
وغدوتُ بحرا من بحور العاطفه

تلك التي أحببتها قد غادرت
روحي وأضحت في المحبة تالفه

أخذت بذنبِ الهجر عِزةّ آثـمٍ
لتغيضُ قلبي بالحروف الزائفه

غيض الهوى قد ينتهي لو أقبلت
يوماً بلا كِبرٍ وقالت آسفة

....

حطني في قلبك وعينك وبين اهدابك
‏وعطني كفوفـك كلام الناس مايعنيني

‏يا فديت اطباعك وضحكاتك وترحابك
‏وعينك اللي لا رضيت تحطها في عينـي

‏والقصيد اللي معي يبدا بك وينهى بك
‏جعلني ما ابكيك يوم وجعل ما تبكينـي

‏مادريت اني تعديـت السمـا بأسبابـك
‏لين شفت الكل بالإجماع معجب فيني

....

‏ياصاحبي كلي من البعد مقهور
وش حيلة الي يرتجي لمس يمناك

أضحك مع ربعي ولاني بمسرور
سارح بفكري وأشتكي ضيم فرقاك

أشتاق لك وأنا على البعد مجبور
ودي أغمض وأفتح العين وألقاك

....

‏انا معك باقي على الحب ياصاح
لا ما اندفن ويصير عظمي رميمي

يا روح روحي يا دواء كل الاجراح
ياجنة الدنياء نعيم وجحيمي

حبك وسط قلبي ولا طاع ينزاح
ثابت بقلبي دايما هو مقيمي

قد صرت لي يا زين حزني والافراح
لاانته بقربي صرت انا في نوانيه

....

‏في وجودك ‎اعشق الدنياء معاك
وفي غيابك كل بسمه تختفي

ياعساني يا الغلا أبقى معاك
انت روحي وانت قلبي ودنيتي

....

‏لاراحت الدنيا سواليف و مزوح
وكلّن يمازح بالخفا صاحبٍ لّه

ذكرت منهو كلمته تنعش الروح
مناسب ٍ لّي مثلي مناسب ٍ لّه

يبطي وتجرح غيبته جرح مفتوح
عزي لمنهو فاقد ٍ غايب ٍ لّه

ماعنده الا يتْبع البوح فالبوح
حتى ولو بوحه نهر مايبلّه

....