فوق هام السحب ( الشعر الشعبي) على متن القوافي

‏يالله تمسي صادق القلب بالخير
قلبه نظيف وكل حكيه صراحه

اهل القلوب الصافيه قربهم غير
متبادلين الطيب ف كل راحه

....

‏بعض البشر يجمع شتاتك حضوره
‏في شوفته بهجه ومنطوقه علاج

‏لو فوق صدرك مع جبالها بحوره
‏يذوب بأسلوبه جبلها والأمواج

....

حنا ليا جونا النشاما مسايير
‏نفرح بهم لا نوّخوا في حمانا
‏
‏بيباننا ما دقّرت بالمداقير
‏مشرّعة للي لفانا وجانا

....

‏ليا بغوا يمسون قالوا مساء الخير
‏وإذا كشخو قالوا مساء الورد ياورد
‏
‏واحنا مسانا غير واحساسنا غير
‏انا مسائي إنت واترك لك الرد

‏حاولت اعديها مع الصدر الوسيع
‏وارسم على وجه الزعل وجه الرضا

‏لكن بعض الاحيان قلبي مايطيع
‏بعض الخطا يضيق به وسع الفضا

....

‏قالت أبي مهري ولو عشرة أبيات
‏ ماتدري إن البيت فخره مهـرها

‏تقول ابي ⁧ شاعر بيوته جزيلات
‏ ومواقفه تذكر ولا أحدٍ حقرهـا

....

‏أسامر القمراء وأطفي سراجي
‏وأجر لي من ضيقة الصدر موال

‏هذا مزاجي لاتعكر مزاجي
‏والليل يا طوله على ضايق البال

....

كم ضحكة ماكانت إلا لغز للشخص الفهيم
‏وكم كذبة مشيتها من باب تفكير الكبار

‏وكم واحد بعامله بالمثل لكني عظيم
‏وكم كلمة بادلتها بالصمت وانهيت الحوار
‏
‏وكم زلة عديتها لو أنها جت بالصميم
‏وكم فعلة خليتها للوقت لين الوقت دار

....

‏أولويات المحبه فـ البشر فطريّه
‏والوجيه اللي تصنّع حبها مكشوفه

‏ضحكة الوجه البشوش وطيبين النيه
‏ماهي بـ مثل الوجيه الودره المعروفه

....

الأهتمام بداية التعلق
‏الغيرة بداية الحب
‏الصداقة بداية الاكتفآء
‏الإهمال بداية الخيآنه
‏الإبتعاد بداية الكره
‏كن وآعي لما يحدث حولك

بقلمي....