فوق هام السحب ( الشعر الشعبي) على متن القوافي

يامرحبـا ترحيـبة الروح للروح
ترحيبتن فيها غلا بين الارواح

فاحت قوافي الشعر ياصاحبي فوح
فوح الغلا مع اشقر البن لا فاح

....

رغم صــكات الزمن ماني بـنادم
زودتني عــزم واصرار وجساره

والله إني ماخسرت من الاوادم
غير من كانت معرفتهم خساره

....

مشكلتي اكتم ضيقتي كتم الانفاس
راسي عنيد وكبريائي زياده

لو مامعي منصب وموكب وحراس
معي ثقة حاكم وهيبة قياده

....

غفلت عن عمري وسايرت الأيام
والعمر مثل العصر والعصر فوات

وكسبت من كثرالاماني والأحلام
حلمٍ تعلق لاتحقق ولا مات


....

غفلت عن عمري وسايرت الأيام
والعمر مثل العصر والعصر فوات

وكسبت من كثرالاماني والأحلام
حلمٍ تعلق لاتحقق ولا مات

لبيه ياصوتٍ سمعته وفـزيت
فزت غريب سامع صوت غاليه

من كثر حبي له على طول رديت
قال السلام وقلت من القلب لبيه

....

العين سكرها عن العور والعرج
والأذن عن سمع الهزيلات صنها

واليا بغيت الطيب قلل من الهرج
ونفسك عن الهفوات قصر سنها

الهرج كثره ينزلك منزلٍ حرج
والصمت نعمه مايقدر ثمنها

حذراك لاتركب على مايل الخرج
والناس بالغرات لاتمتحنها


مشعل التريباني الشمري

ماخاف شر المعاصي غير حي الضمير
الادمي مايسره غير طيب اعمله

ياقوم عز الحياة اللي مداها قصير
تغر قلب الغشيم اللي غشاه اجهله

كم طيرت من ملوك وحولت من وزير
لو عز قارون ماله فالاخير اخذله

مع انفتاح الحياه وشرها المستطير
ماغير نجمع ذنوب وبالصلاة اعجله


خالد المذعور

الجمايـل يـوم سمـوها جـمــايــل
هي بنـات افعـال طلقيـن اليميني

صنعة المعروف من راعي الفعايل
هي الجميــلة والجميلة ما تشيني

وماتشيـن الا بشوف اهل الفشايل
معذربين الطيـب خـالين اليدينـي

يالكريم اللي ثبت والوقت مايــل
يالله انـك تجعـل ايـامـــك سنيني


صالح حاضر

نكره اللي صدّ ونعاف من ينسى الجميل
راحلين تاركين الحياه الفانية

يعتقد مافيه غيره بهالدنيا بديل
الدقايق ما تحسّب حساب الثانية

للأسف بعض الخلايق رضاهم مستحيل
لو عطيته عين يسأل لمين الثانيه


عبادي الزهراني