فوق هام السحب ( الشعر الشعبي) على متن القوافي

خلك صريح و بعض الاحيان جامل
ولا تتعب العالم معك قدر الامكان

وان ماقدرت تكون انسان كامل
حاول تكون بقدر الامكان انسان

....

إن جيت قلت مرحبا الله يحييك
‏وإن رحت منتب اعز من راح عنا

‏تغيب ماجبنا مجالك وطاريك
‏وترجع وتلقانا مثل يوم كنا

....

تستاهلين المدح ياشيخة الزين
يااللي على الگـل بطباعك فرقتي

مايختلف دايم على حسنك اثنين
كل البنات اتضيع لامن حضرتي

....

‏مشاغل الوقت تاخذنا عن الطاعه
والناس ماتت ولا قضت مشاغلّها

يارب لطفك بنا لاقامت الساعه
في يومن النفس تبكي من عمايلها

....

عاداتنا ناموسنا والغريزة
ربعي في الضيقا عمود ارتكازي

هذه رساله في قوافي وجيزة
يفهم مغازيها رجال المغازي

....

في معركة ذاتي هزمت امنياتي
والمعركة في داخلي مالها صوت

من كثر ماصارعت ذاتي بذاتي
نصي يبي الدنيا ونصي يبي الموت

....

‏زيّن امورك مع ربي امورك تزين
‏والله لا من رجاه العبد ماخيّبه

‏والناس يكسب وداد قلوبها حاجتين
‏النيّه الصافيه والكلمه الطيّبه

....

يارب وان ضاقت عليّ الوسيعه
انت الذي لاضاق صدري اناجيه

وعبدك لو ان الوقت عيّا يطيعه
ماينحني راسه لغيرك ويرجيه

....

احبك وعرضت النقايد هبوب النود
فعولك اتنومسني وذكرك يهيضني

يالبيه ياوجهٍ عليه الرضا معقود
اشوفه واشوفك في سنيني معوضني

علي نذر لامسح دقنك بدهن العود
واضمك لو الدنيا واهلها تعارضني

....

والله أني ضايق الصدر من كل الجهات
وفاقد النوم الطبيعي لي اكثر من شهر

المداهيل القديمه وبعض الذكريات
أظهرت من عيني الخافي اللي ماظهر

....