فوق هام السحب ( الشعر الشعبي) على متن القوافي

من بغى قربك يسوي المستحيل
‏ومن يشوفك خساره اخسره

‏لاتنادي من بغى درب الرحيل
‏ابتسم له في رحيله واشكره

....

‏هد بالك مالك بصدري مشارك
‏وحدك اللي حط به بصمه وحيده
‏
‏بصمةٍ ماهي بيمناك ويسارك
‏بالشعور اللي مواثيقه جويده
‏
‏شب نارك بالضلوع وطف نارك
‏سوّ فيها ماتشاء وما تريده
‏
‏والله إني ما أنشدك ويش أنت تارك
‏لو مايبقى من معاليقي شريده

....

يابنت يالي تكتبين الجزايل
تعجبني بيوتك وطرحك والاوزان

متابعك وانا بقلبي غلاايل
اطلب وصالك دايم بكل الاحيان

لانك من رجالاً مافيهم تمايل
يصطون وقت الازمه واهم فرسان

ويابنت انا دمعي على الخد سايل
سبايبك يابنـت في كل الاحيان

لاشفت منطوقك اقوم اتخايل
واطلب من المولى وهو عالي الشان

يجمعني ابحبك وابدع مثايل
واجر صوتي عذب واثير بركان

....

‏بعض الكلام احيان خنجر وسكين
أن ماطعن شق الصدر حيل وأدماه

واللي سأل عن أبرة البنج مسكين
للبنج وقت إليا انتھى صاح ويلاه

....

‌‎لاتلمح للظروف ولا تدقق
خلها بالصدر تحرق ماتبقىً

دام باقي في ضلوعه ماتشقق
مايضـرّه لو تعب والا تشقى

باقيٍ به نبـض حلمٍ ماتحقق
والامل باللّه من نـاره توقى


‏مادام روحك ساكنة جوف الأعماق
أكيد حبك من يقيد ‎وثاقي

لك ‎عهد مني ياحياتي ‎وميثاق
ما أنسـاك ‎طول العمر ما دمت ‎باقي

....

‏الناس عادات وقناعات وطبوع
وأنا ما أحب أزيد معهم كلامي

لاصرت أجاريهم في كل موضوع
لاشك بفقد هيبتي وأحترامي

....

الشتاء واليل موحش والشجر صوته حزين
من ورا الشباك عيني تعكس انوار المدينه

الشوارع والاماكن كلها اكتضت حنين
لك شعوري لو وصفته فوق ماتتخيلينه

....

‏ولد في مكة
فأصبحت مكرمة

وهاجر إلى المدينة
فأصبحت منورة

ودخل قلوبنا
فأصبحت مطهرة


اللهم صل وسلم وبارك على نبينا محمد
فصلو عليه

مع رجعة البرد خل النار وهاجه
وسطر دلالك على ضوك وبهرها

وكان الدفا بالحطب مايكفي الحاجه
عليك بالحاجة اللي أنت خابرها

....

يامُعـاتبني على قِل رزقي
لاتُعاتِـبني تَرى الرزق مكتوب

قد تِعبت وانا على العز بشقي
في زمان الذل للنفس محبوب

مِن هوى نفسي قد اعلنت عِتقي
يوم بعض الناس للنفس مغصوب

ماعرفت الكذب مِن كُثر صِدقي
يوم صار الصدق بالناس مسلوب

الوفى كالدم يمشي بعرقي
ما الخيانه طبعها غير مرغوب

إنْ نطقت الوعد باوفي بنُطقي
والجمايل ردها شرط مطلوب

والصديق الفسل شوكه بحلقي
عالقه ماشي لها حل مرقوب


....