فوق هام السحب ( الشعر الشعبي) على متن القوافي

‏والله إني ماتصنعّت الشعور
‏معّك يانبض الغلا كيف أصنعه

‌‏هام قلبي فيك والقلب معذور
‏ولاقويت أنهاه عنك ولا أمنعه

.....

تدري وش اللي يقهر بعالم الشوق
إذا عطيت القلب لنسان جاحد

لايحفظ إحساسك ولايعرف الذوق
يختار عشره وأنت مختار واحد

.....

ﺳﻼﻡ ﻷﻫﻞ ﺍﻟﻌﺰ ﺑﺎﻟﻌﺰ ﻣﻘﺼﻮﺩ
ﺃﻫﻞ ﺍﻟﺸﻬﺎﻣﻪ ﻭﺍﻟﻮﻓﺎﺀ ﻭﺍﻟﻤﺮﻭّﻩ

ﻷﻫﻞ ﺍﻟﻐﻼ ﻣﻨﻲ ﺳﻼﻡ ﻏﻴﺮ ﻣﺤﺪﻭﺩ
ﺗﺎﺝ ﺍﻟﺼﺪﺍﻗﻪ ﻭﺍﻟﺼﺤﺐ ﻭﺍﻹﺧﻮّﻩ

ﺃﻫﻞ ﺍﻟﻜﺮﺍﻣﻪ ﻭﺍﻟﻜﺮﻡ ﻣﻨﺒﻊ ﺍﻟﺠﻮﺩ
ﻓﺨﺮ ﺍﻟﻘﺒﺎﻳﻞ ﻭﺍﻟﻨﻘﺎﺀ ﻭﺍﻻﺧﻮﻩ

.....

خذني معك لأخر مدارات الاشواق
واشعل على متن السحابه حنيني

خل الوله يمطر على غصن الأوراق
يروي جفاف فصول باقي سنيني

.....

يامفترق درب اللقاء بالمفارق
كمل جميلك واقطع الدرب مره

لاتترك التايه في الوهم غارق
مات المسافر قبل ياصل مقره

ماشفت في سعيي معاك اي فارق
ولا جنيت غير التعب والمضره

ومادام ماجاني من الوصل بارق
خلاص خذ وهمك بخيره وشره

.....

يابو يوسف لاتعاتب من جفاك
من زهد في عشرتك خله يروح

والطمع بللي على غاية هواك
مايواريك الجفا قلبه نصوح

مايخونك دايم يتبع رضاك
حافظٍ عرضه وسده مايبوح

لاتبع هذا ولا وقف لذاك
وما حكوا به هو يروح وما يروح

وإن تكدر خاطرك يحزن معاك
يتعبه همك ومن نوحك ينوح

.....

يالله ياللي كافل الجن والانس
عبدك وش يسوي اذا خاب له ظن

حلمه يقول آصبر وياسه يقول أنس
ولا عاد يدري ياخذ العلم من من

.....

اجبر بخاطر من تعزه وتغليه
وهده شعور الجبر من طيب خاطر

وعطه الغلا من يستحق منك تعطيه
لين الغلا يظهر بفيض المشاعر

واوفي بوعدك من عطا وعد يوفيه
لاتوعد الا وانت عالوعد قادر

ومن عطيته بالوفا عهد يرضيه
اوفي معه بالعهد غايب وحاظر

والصادق الي بالمشاعر تجاريه
اقوئ وابلغ من مجاراة شاعر

.....

‏الناس تعشق كلهم حسب الاذواق
ونا عشقتك عشق حسب ذوقي

ياما رسمتك شمس تشرق بالافاق
واشتاق إلك يغلا غرام ابخفوقي

ياموطني لك حب يسكن بالاعماق
يغلا قصيدي في عذوبة طروقي

.....

‏يالله لاتجعل حاجتي عند غيرك
دام البشر من مد جودك يمدون

استقدرك في قدرتك واستخيرك
دبرلي الحاجات يامدبر الكون

.....