فوق هام السحب ( الشعر الشعبي) على متن القوافي

‏سوالفه من حرير وضحكته ونسه
‏رقراق نهرٍ على طول السنه يجري

‏اللي تبي صبّحه بالخير أو مسّه
‏هو كل ألاوقات بس الناس ما تدري

.....

راودتها مثل الشكوك وجيتها مثل اليقين
يوم اضحكت قلت الكبر لله يا متكبره

واقفيت وانا اكبر من التبرير والعذر السمين
حتى لو اني خاطري ما كل شي يصبره

ماني بظالم يوم اقول اقبالها ماهو بزين
الظالم والله كيدها الي كل يوم تدبره

.....

انحنى لاجلك شعوري واعتذر
وسافرت لاجلك حروفي والشعور

غادرت موطن حناني في حذر
تسمح لشوقي وحبي بالمرور

خذ بقايا شوق قلبي لا تذر
من قديم الود حرفٍ اوسطور

.....

الشوق في عيني تشوفه يناديك
‏تحكي غلاه العين قبل الشفاتي

‏أفهم ترى ماغيرك احدن يساويك
‏أنت الغلا وكل الغلا في حياتي

.....

‏زان حالي في لِقاك وطاب فالي
‏انت وجهك من يشوفه مايملّه
‏
‏كيف مفضى لك وانا بعز انشغالي
‏وانت لحظة معك تسوى العمر كله

.....

للود والمعروف ماني بجاحد
بس الخفوق اظن مايعشق ثنين

القلب واحد والمحبه لواحد
مارضى شريك لي لو فيك قلبين

محمد بن فطيس

‏علمت قلبي تكون له كل نبضه
وعلمتني وشلون اعشق جنونك

وعلمتني أشتاق لك كل لحظه
بس ليه ماعلّمتني الصبر دونك

.....

ملل وضيقة لا تقولين وش فيك
محتاجها واقول ياربّ تصحى

دلوعةٍ لو تبتسم للشبابيك
كل الهموم اللي بهالكون تمحى

.....

اثقل ديون الطيب دين الجماله
‏وألذ طعم الطيب طيب المواقيف

‏وازكى دروب الطيب درب العداله
‏وابرز صفات الطيب رد المعاريف

‏واللي تجمل فيك بأغلا حلاله
‏لاتتركه لاعارضنه صواديف

‏ترا الجزاله مالها الا الجزاله
‏والمرجله قد قيل تبغا تكاليف

.....

ما دام باب النصح للكل مفتوح
خذ لك من اكوام النصائح نصيحه

من يأمنك بالروح لاتجرح الـوح
ولا تترك الروح الجريحه جريحه

.....