فوق هام السحب ( الشعر الشعبي) على متن القوافي

تجاهل الجاهل على شان ترتاح
وأسمع من العارف لا منّه تكلّم

لاتندفع وتنطّح اصياح بصياح
أصمت وحاول تستفيد وتعلّم


بدر العايذي

اول شروط الصاحب الله يسلمك
الصاحب اللي صحبته ترفع الراس

إن شاف لك هفوة سترها وعلمك
وإن شاف لك ميزة يعلم بها الناس


عبدالله الطلحي

‏طابت خواطرنا من مطارد الناس
من طردهم مدري وش اللي جنينا

اللي يبينا منزله هامة الراس
واللي يبى الصده لايشره علينا


عبدالله الدخيل

الله ولا خوة ضعيف الروابع
الي على ربعه يحد السكاكين

صحيح ماتشبه بعضها الاصابع
وحنا عن ضعوف الاوادم غنيين


سعد الرويبخ

بين الردى والطيب فرق وعلامات
وترى المواقف تكشف اللي تخفى

صيت الكفو يبقى ولو قيل لك مات
وألا الردي ينسى نهار يتوفى


سلطان بجاد

‏مانيب اعارض عابر في طريقه
لاصار مابينـي وبينه علاقه

اقفي عن المقفي عساه بحريقه
اخير من طرد المقفي فراقه


مشعان الطنباوي

جنّب دروب مكسرين المجاديف
اللي نجاحاتك تسبب مرضهم

وأبعد عن اللي يجحدون المعاريف
ان مالقوا ضيفه تعشوا بعضهم


سمران القثامي

ترى التواضع يجعل الشخص غالي
والكبر شين وعادته يقتل الحي

ناسن تشوف نفوسها بالعلالي
والواقع الملموس تطلع ولاشي


أحمد الذبياني

الوجيه اللي على الحشمه تربت
من نواها بالردى يفدى لحاها

والوجيه اللي على الفزعات لبت
جعل منهو ينقل النمه فداها


بندر بن مبارك

غفلنا وإنشغلنا بالزمن ياربنا رحماك
ورجعنا خاشعيـن ولا معنا الا هقاوينا

وقفنا عند بابك مالنا مطلوب غير رضاك
معاصينا كبار وعفوك أكبر من معانيها


مشعل الزعبي