اخترنا لكم

‏ارفع مقامك عن علوم المذله
وربك على طيبة نواياك يعطيك

واللي يثير الشك والكره خله
ارسم على بيض النوايا مباديك

.....

قفلت بيبان العتب والمشاريه
وفتحت بيبان الرضى والكرامه

اللي يجينا جعل ربي يحييه
ومن صد مانكثر عليه الملامه

اكثر كلام الناس ما كني اوحيه
بعض التغافل طيب ماهو رخامه

المال ماقلنا تصدق لنا فيه
ليتك تصدق بس بالابتسامه

ما ارافق الجاهل ولاني معاديه
يكفي سلام ومرحبا والسلامه

صالح الناصر

راحت أيام الهنا كنها حلممٍ قصير
ولابقى غير التوجد وحلو الذكريات

.....

كل عام وأنت بخير وعيدك مبارك
وكل عام وأنت عيدي في كل الأعوام

وكل عام وأنت الفرح على محياك
وكل عام وأنت أجمل حب وغرام

وكل عام وقلبي بيتك أنت ودارك
وكل عام وأنت حب وشعور وهيام

تأمر تدلل تبشر جعلني كلي فداك
ياللي سكنت القلب عيدك مبارك

.....

اعشق سموك واعشق طقوس جوك
‏واعشق سواليفك وزود اهتمامك

‏يا مِلهم شعري عشقنا سموك
‏غصبن من افعالك يزيد احترامك

.....

‏أتعبني الليل والذكرى على ماهي
تستنزف الدمع من عيني وتسهرها

والدمعه اللي على خدي وانا ساهي
كرامة طيوفك اللي في محآجرها

.....

يامرحبا باللي يصـون الصداقه
حتى ولو فيها عوايق كثيره

يحفـظ أصول المعرفه والعلاقه
ويكون في بحرالصحب كالجزيره

الصدق ينفع صاحبه كالبطاقه
والكذب دايم هي حباله قصيره

فالوعد قاطع مثل موس الحلاقه
وخيانة الصاحب جريمه كبيره

.....

إنْ كان ونّ الصوت والقلب ناداك
ارخ المسامع وشوف وشهو يريده

يمكن احاسيسه والاشـواق تبغـاك
ويمكن على طيفك يسوّي قصيده

.....

الله يجعل ختام الشهر في جـبرك
يجبر فـؤادك وتتغـير إلي الأفضل

ويزين حالك بعد ما قد نفذ صبرك
تستاهل الخير كملك حر ومناضل

.....

‏يامساء الخير ياعـــــذب القصيد
‏يالبيوت اللي لسامعها دوى

‏انت لك طاري يجيني من بعيد
‏كل ماصلحت فنجـــــال قهـوى

.....