اخترنا لكم

‏ملفته مثل ضحكه في هدوء المكان
‏نادره مثل طبعٍ في الاوادم قليل

‏واضحه مثل قوس تحت غيمه مطر
‏مرهفه مثل لحن في الزمان الجميل

‏راكده مثل حاجه ماطلبها العزيز
‏مدهشه مثل صدفه بعد صبرٍ طويل

.....

الصمت صوت الصبور الي كواه الكلام
والصـد عين الحليم الي يقود العماء

.....

سعودي وافاخر يوم حكامنا آل سعود
ويوقف لنا التاريخ هـجري وميلادي
🇸🇦

كن حبك حكم سلمان وامير الشباب
صار قلبي مملكه وانت امير المملكه

.....

‏حنا هل العاداتَ وحنا اللي نفك المنيّع
‏كم دولةٍ صالت علينا وارتكينا لهَا
🇸🇦

رفرف علمنا فوق بحر وتضاريس
فوق القمر لنا على السطح قسما

المملكه ما دنسوها الجواسيس
فيها بيوت الله وكبار الاسما

وعبدالعزيز مؤسس العلم تأسيس
وسلمان عز ودولة العز تسما

ومحمد محمد بعيد المراميس
يرسم بداية دولة العز رسما

العز بوجود الحرار القرانيس
لين اصبحت دوله كبيره وعضما

عصما تدرس كافة العلم تدريس
وتبقى لنا مع طول الايام عصما

دام عزك ياوطن

خذ العفو وترفع عن الناس لو يخطون
‏ومن ظن فيك بسوء خله على ظنه

مطلق العتيبي

حــــب الوطـن...

عشنا على حب الوطن عشق والهام
فطرة عشق لملوكنا الصيرميه

وبعروقنا يسري وطنا من اعوام
وبقلوبنا نبـض الـمشاعر عذيه

واجسادنا دون الوطن درع وحزام
وافكـارنا بحكم الشـريعه رضيه

حماك ربي يا وطن ذخـر الاسلام
وحكامنا اللي يحكموها سويه

رذاذ الحبر

ابتسم وافخر عسى عمرك طويل
ياسليل المجد يا أمير الشباب

رايتك بيضاء على النهـج الاصيل
وهامتك ترقى على متن السحاب
🇸🇦

السوالف من فمك شهدٍ محلّا
والليالي كلها بْوجهك سعيدة

والشعور اللي معك مـا كنّه إلّا
الشعور اللي يجي عقب القصيدة

.....