اخترنا لكم

حلوه ودلوعه وتمشي على الهون
‏والزين فيها من جميع النواحي
‏
‏والصاحي الي شافها صار مجنون
‏ويشوفها المجنون ويصير صاحي

.....

اهـيـب رجـال صـامت وارفـعه بـالمقام
إذا تــكـلـم يــحــدد مـسـتـوىٰ مـوقـعـه

الـعـود يـنفح بـشمه والـحديث إحـترام
احــد مـعـه مــا يـقـوله واحـدا مـا مـعه

قول الرجاجيل عفه والسكوت إحتشام
والـهرج يـنقص مـن المخلوق او يرفعه

والـصمت هـيبه ومـيزان الرجال الكلام
بـعد الـكلام اعـرف الرجال حين اسمعه

براق مارب .. اليمن

‏يـامـصـدرالشوق يـانـبـع الـغـلا كـلـه
تـعـال نـاظر رسـومك داخـل جـفوني

لاتـزعـجك ضـحكتي لـلـناس والشّله
اجـامل بـضحكتي لو زادت اطعوني

حـبـك مـلك خـافقي والـعرش محتله
دوك الكلام الصحيح ودوك مضموني

.....

أقدار ما ندري على وين تجري
‏لكن عساها بكل الأحوال خيّره

.....

أكابر ان قلت ما تطري على بالي
ويكذب القلب كان البعد ما ضره

.....

‏زله لسان الأدمي بعض الأحيان
تقطع علاقات الرفيق برفـيقه

كم رفقه دامت زمان وازمان
عقب المعزه أنتهت في دقيقه

.....

‏خلك على النيه تجيك التوافيـق
‏لو أغلب قلوب المخاليق ظلماء

‏اللّه يبل الريق في حزة الضيق
‏لاشحت كفوف المخاليق بالماء

.....

يا سعود كان الناس يدرون عن شيّ
‏أشياء ترا ما تدري الناس عنها
‏
‏يدري بها اللي يازن الشمس والفيّ
‏مكفن أسرار القلوب بكفنها
‏
‏أنا بشر شتى هموم البشر فيّ
‏وإن شفتني مانيب جزعان منها
‏
‏ترا ماغير أضحك وأجاملكم شويّ
‏وأدمدم جروحٍ نبشها زمنها

.....

‏عز نفسك جعلهم مايرجعون
ومن يبيعك لاتراعي خاطره

.....

بـس ارفعي راسك بليّا نقاشات
‏تلقين نفسك بالسحاب إنرسمتي

‏وفي مبسمك تلقى الرحيق الفراشات
‏بين الزهر والغيم ليش انقسمتي

‏كن البروق اللي تكاشف فلاشات
‏تبي تصوّر بسمتك لا ابتسمتي

.....