فوق هام السحب ( الشعر الشعبي) على متن القوافي

‏يامساء الخير مع ريح البـخـور
ويامساء الشوق والطلّه البهية

المسـاء مـع طـلتك زايـد سـرور
لك حضور يغطي غياب البقيـة

.....

‏عساك في خير ياللي غبت لك مدّه
ماعاد شفنـاك علمـنا وش اخبارك

حتى لو أبعدت لد الـشوف لي لدّه
بتشوف كيف الشعور الفارق اختارك

.....

جيتك مـن الشـوق أغـرد أخـر أبياتي
لعيـونك أكتب جـديد الشعـر لعيـونك

لو كان هالوقت ماهـو ضمن حــزاتي
جيتك أغـرد قصيد الشـوق بلحـونك

.....

‏تـدري وش اللي مضايقني ومحزني
انـي عـطيتك عـيوني وانـت تعميها

وتدري وش اللي قهر روحي وغابني
نـبضاتي الـلي بصدري من يداريها

تدري وش اللي على بعدك مصبرني
اسمك حروفه بكل ابياتي اطريها

.....

الله لا يكشف خوافيك يالصدر الكتوم
إلا في برّ القريبين وإفشاء السلام

ودّي إني في المجره وأسولف للنجوم
لا أتكلم مع هل الأرض ولا أسمع كلام

لكن انماط التقاليد واعراف السلوم
خلت الدنيا نظام يطور له نظام

مدغم بو شيبه

يا طير جيت أشكيلك الحال يا طير
جيتك وانـــــا يا طير نفسي عليله

في هالزمن ياطير ما ينفع الطيب
ولا تنفعك حتى الفعول الجميـله

.....

خلك عزيز النفس لو همومك جبال
لا تشتكي للناس من حرر مافيك

هذا الزمن ياصاحبي كله أهوال
يهدي لك البسمه ويرجع يبكيك

.....

‏جيتك من دروب الحزن ودي أرتاح
تعبت أدور شخص يفهم كلامي

الناس في وجهي سكاكين ورماح
وأنا عزيز وجرح الأيام دامي

.....

‏أحبك كثر دقات القلوب بعالم العشاق
أحبك كثر دمعات العيون بخدهم جاري

أحبك كثر ونــّـات الهموم بخافق المشتاق
أحبك كثر أنفاسي وأشواقي وأشعاري

أحبك كثر أحزاني كثر ما خاطري قد ضاق
أحبك كثر دمعاتي كثر ما جابك الطاري

.....

ما كنت افكر بالمحبه والاحباب
ودايم اقـول الحـب رايـح زمانـه

حتى لقيته صدفه وصار اعجاب
وضحيت باللي يعشقوني عشانه

.....