اخترنا لكم

ما يضيق الحُر من حكي السقيم
‏وشرهة العاقل على الجاهل جهل

.....

‏الطيب قصرٍ ما تجيه العذاريب
‏والتربيه هي سور قصره وساسه

‏من لا تربي في شبابه على الطيب
‏ماهو بمتربي ليا شاب راسه

.....

خطاياك واجد والعذر ماقدرت القاه
جروحك يحس بضيقها من مجربها

ولو الغلا يدمح خطاياك في مأواه
ترى النفس في حفظ الكرامه مدربها

تحمّلتك الين الصبر طاح من مركاه
واخاف انفجر من شي تافه واخربها

.....

الله يجعلني مع الناس محبوب
‏ويزيدني بقلوب ربعي محبه

‏الآدمي لا صار بالناس مرغوب
‏هذا دليل انه كسب حب ربه

.....

لو تشوف الكل عكس الاتجاة
‏لا تسوي شي من غير اقتناع

‏اختـلاف الراي مفهوم الحياة
‏واتباع الناس مفهوم الضياع

.....

صمت الغلا في داخلي يكتب أبيات
عيت قوافي الشعر تعرف بحرها

أصدق كلام الحب لاصار دمعات
واصدق دموع الحب لحظة سهرها

.....

ياللي تعلمني على جدول الضرب
عطيني نتيجة ضرب وآحد بواحد

واعلمك قبلة الشرق والغرب
وش تعني الدنيا اذا غاب واحد

.....

يقول اللي يصد برغبته ما تحراه
كم واحد قد صد ولا احتريته

مافيه احد ما اقوى بعاده وفرقاه
العبد لاشيمت نفسي قويته

ونفسي لياصدت من الواحد اجفاه
ولاني بصبر نفسي لاجفيته

.....

الظن يوجع راعي الظن لاخاب
والنفس لاطابت من الشي طابت

عزالله ان الجرح يبطي ولا طاب
والمشكله لاعافت النفس عافت

.....

كنا بلا جنحان واليوم طرنا
واثر السما ياصاحبي عج وغبار

ياما حلمنا نكبر و من كبرنا
صارت أعزّ احلامنا نرجع صغار

.....