اخترنا لكم

‏بعض البشر لها مواقف اصيله
أغنى من الألماس في كف ميزان

وبعض البشر ينساك مده طويله
يقضي بك الحاجه وينساك أزمان

.....

‏صف النوايا واذكر الله ترتاح
واللي تشوفه قابله بأبتسامه

وخلك وسيع الصدر طيب ومزاح
ترا الزمن مايستحق الملامة

.....

حنا على الدنيا ضيوف مسايير
‏وبكره نشد الراحله للثمينه

‏والرابح اللي لا خذته المقادير
‏ماغرته دنياه من دون دينه

.....

منهو اللي ما يهوجس وصدره مايضيق
أعتقد مافيه حيٍ على الدنيا أستراح

.....

لاصار لك شخص تحبه وتغليه
لاتدخله في كل طاري وسيره

سكر عيون الناس لاصرت شاريه
محدٍ بهذا الوقت يعطيك خيره

.....

يادار ما مريتك إلا وانا أغْليك
وْحِبٍ لناسٍ كِنت أدوّر رضاها

.....

هاذي الثقه بالنفس من دون تزييف
واضـــح وضــوح الشمس كلا يهابه

نسعى الى العليا ولو كان بتجديـف
حتى ولو حظ الـــردي صك بابـــــه

.....

ياقلب لاتظهـــر خوافيك للنــــاس
يكفيك من يعلم جميع الخــــوافي

عيش الأمل لو كنت غرقان بالياس
ياكم بلوى جت بعدها عـــــــوافي

.....

وش حيلة المشتاق لا ناموا الناس
لا مرّت الذكرى بساعة مبـاتـه

ووش حيلة اللي كل ماصابه نعاس
صفّت طيوفك فوق رمشه وجـاته

الفقد جمره مثل ماقربك احساس
لـو عاشها مابـين ذاتـه وذاتـه

اعظم شعور يزوّد الهم والباس
من يـرثـي بعينه جميع امنياته

.....

عاتبوني يوم شافوني وحيد
مادروا باني من الفرقا مصاب

اكتب ابياتي ولا احب القصيد
كثر ماني كارهه شعور الغياب

.....