اخترنا لكم

‏عسانا ليا جينا نجي فالمقام الذرب
‏وعسانا ليا غبنا غيابٍ على هيبه

.....

من جعل حق البعيد اهم من حق القرابه
‏كنه اللي يجعل العادات اهم من العقيده

.....

‏يا طيب حظك لا تعلّقت بالله
‏ويازين فعلك لا تجملت بالناس

.....

سلامي سلام مودعٍ مايبي فرقاك
ولا له على شوفتك قدره ولا سلطه

يشوفك بعد ماقفيت وانته تجر خطاك
وكنه صويبٍ معطبينه هـل البلطه

تهشم خفوقه يوم لوحت له بيداك
يناديك ودموعه على الخد مختلطه

.....

لاتزعلني وتحكم علي اني زعول
وأنت تدري مُستحيل أزعل إلَا من بلا

والعذرُ في بعض الأحيان ما يلقى قبولٌ
في وسع صدرٍ تحمل زعل لئن امتلأ

مشكلة غلطتك ماتقبل أنصاف الحلول
والمصيبة لك معزة وتقدير وغلا

.....

‏بيني وبين النفس حرب وطلايب
‏مرات انا الغالب ومرات مغلوب
‏
‏تمضي حياتي بين مذنب وتايب
‏واللي يريده خالق الناس مكتوب
‏
‏والغيب عند الرب ماهو بغايب
‏لكن عن المخلوق خافي ومحجوب
‏
‏والنفس والشيطان ربع وحبايب
‏بأسبابهم كم واحد راح معطوب

.....

‏لا تشتكي من جرح الأيام وتروح
‏احسب احساب لجرح دورات الأيام

‏سلامتك وان كان لك قلب مجروح
‏انا بليّا قلب عايش من العام

.....

ودّي اخسر كل شي إلا ضميري
‏اللي يسعف صاحبه لا من تحيّر

‏من كثر ما غيّرت الأيام غيري
‏والله اني خايف اني لا اتغيّر

.....

نفسك على العز سقها للعلا والصعود
‏مهما تشوف الظروف القاسيه متعبه

.....

ترانا على الغالين ما نذخر الأشواق
‏و لكن نعيف القرب لا صار به منّه

.....