اخترنا لكم

‏حنا الوفي من صافي الود نسقيه
‏ومن زادنا بالطيب حنا نزيده

‏واللي طرانا ساعة الضيق نطريه
‏ونكون عونه باالظروف الشديده

.....

‏عن جميع اللي على قلبي وأدنى ما يمسه
‏يا كريمٍ واقف فبابك لو إني في مكاني

‏وأنت تدري بي وأنا عبدك وتعرف وش أحسّه
‏من قبل لا يرتفع كفّي وينطق لك لساني

سبحانه

‏ما يدوّر لاصعب الاحلام ويحققها
‏غير عزمً ما يطيح وخاطرً ما يسمح

.....

الغياب اغراك والاشواق ماتت
والمحبه من جفا الغالين جفت

رح وراك وفرصتك عدت وفاتت
غيبتك ياصاحبي كفت ووفت

.....

ماخلقنا الله ضعوف ولاهلايم
ندحم كبار الهقاوي عنجهيه

ان وقفنا طاحت كبار العمايم
وان تقدمنا عزاوينا قويـة

.....

حط همك فوق هم معزبك وآشلّه
كيف ما آشلّه وأبوي إللي يشل الطرقي

محمد إبن الذيب

حمولنا لا كادت شعيل وبرك
نشتالها ونقوم ونروح ونجي

محمد جارالله السهلي

انا رمتني عرضة غزيّل الضاح
تفتل حبالي فالهوى وتعقدها

مورّدة خدين وعيونها املاح
تاخذ وساع عيونها من بلدها

مثناتها يوم اقبلت مقبض سلاح
تقدر عليها تقفل اسوار يدها

من دقها وشلون نزّاع الارواح
يبا يطلّع روحها من جسدها

اخر نتاج مرويه علط الارماح
ما جابت بطون النساء من بعدها

.....

ناحلٍ وين ما هبّت هبوب الذواري
يتمايل قوامه ويتطاير حريره

ماخذٍ من بنات الريح زول ومواري
ومتشكل من الغيمة خصال وسريرة

لا عيونه رصاص ولا رموشه شباري
ما مثل عينه ورمشه خطير وخطيرة

من يشوفه يشوف الصبح ليلٍ غدّاري
خل من ذاق فاكهته وهام بعبيره

.....

ملهم عيون القصيد وناتقً صيده
مضراب عينه مرامي بندق الرامي

الوصف لو كان بالأمكان تحديده
وش عنقه الفارع ووش عوده النامي

يقرب خيالي ويرسم صورة بعيدة
والصورة أحيان تعطي مصدر ألهامي

وش ياخذ العذق من داني عناقيده
والأدمي وش خذا من ارقاب الأدامي

.....