اخترنا لكم

‏السن ما يحكم عقول الأوادم
ميزان عقل الأدمي في لسانه

.....

ماميّز الماضين غير البساطه
ما ضيّع التالين غير التصنّع

.....

‌‎على كثر ما شريط الذاكرة يطوى
ما فيه وجهٍ ثبت في الذاكرة كثرك

.....

‏مساكم الله بالرضى والمســرات
واجمل حروف الشعر واجمل قوافي

لكل غالــــي مسكنه داخـــل الذات
ومكانته وســـط الضلـــوع الخوافي

مني ســلام الود واجمـــــل تحيات
مخصوص توصـــل كل انسان وافي

بالورد والنرجــس على شكل باقات
من قلب صافــي للقلوب الصوافي

.....

سلمت لك قلبي براحة يديني
واعطيتني قبلة عطيتك بدلها

ياعز واجمل ماحصل في سنيني
صدك حمولة هدّحيلي ثقلها

وانك صراحة يالغضي ما تبيني
ابا انسحب من دنيتك واعتزلها

وكأنّ ماشي صار بينك وبيني
ومن فك روحه كن ماهو قتلها

لكنّك انته يا مطفي حنيني
مكانتك عيني وساكن مقلها

سعادتي ما همني طز فيني
ماودي إلا لسعادة تصلها

وان كان ودك يالغلا تقطعيني
مانقطع الّي بالمودة وصلها

والله يصبرني عليك ياضنيني
روحي عليلة لانزيد عللها

.....

ماراح شي الا ولك فيه خيره
‏حتى لو انه كان في راحة يديك

‏الي خسرته تقدر تجيب غيره
‏وان كان ماتقدر ترا المشكلة فيك

.....

‏ماعاد إبي من دنيتي غير ثنتين
‏يوم إن للثنتين مذهب وملّه
‏
‏نذكَر بخير ان كان صرنا مقفّين
‏وماننشغل ياكود في طاعة الله

.....

‏ترا ماحـدن منا سلم من كلام الناس
‏مـدام إن به مـن ينقـل الهـرج ويـرده
‏
‏وسيع البنايد يبتسم من طناخة رأس
‏وضعيف الروابع تجلس بخاطره مده

.....

عيني على القمه ورجلي على الارض
‏والناس ماخلوا حدٍ ماحكوبه
‏
‏وان كانها تنقاس بالطول والعرض
‏عدونا من طيبنا ضاق ثوبه

.....

ماجيت يم السوق لجل اتشرى
‏لا والله الا ضاق صدري ومليت

‏تاخذني الضيقة من البيت برى
‏واليا طلعت أرضى على ضيقة البيت

.....