فوق هام السحب ( الشعر الشعبي) على متن القوافي

‏حزن كبدي لا طرت ذكريات الراحلين
‏حزن عودن هل دمعه على قبر ولده

.....

‏لاتحسبني حـريصً عند حب الظهور
‏يا صاحبن فـي نهار المعضله ذاخره

‏اجامل الناس وامـثل مع الضحك دور
‏ودي تـسافر هـمومي في ظهر باخره

‏احيان تلهيـني الدنيا واحس بقصور
‏وشلون ارد الزمان من اوّله لآخره

‏يارب طاعتك الاولى عن جميع الامور
‏عساي ما انسى الكفن والقبر والآخره

.....

‏شرايد المدخول ننطح بها ضيف
‏والّا نسلّفها رفيقٍ سنافي
‏ْ
‏ما نقدر نخطط على سفرة الصيف
‏الراتب يجينا له الفين قافي
‏ْ
‏خلك تمشّى بين باريس وجنيف
‏والمجلس الرسمي من العام طافي

.....

‏الحمدلله صرت متعوّد على كل الظروف
‏لو كان نفسي في بعض الأحيان تتبع غيّها

‏حتى الحياه إللي من أول كنت الحّقها حسوف
‏ما عاد أفكر لا فواجدها ولا فشويّها

‏سلمي مع ظروف الليالي مثل سلمي للضيوف
‏لا جاتني صكات بقعا قلت يالله حيّها

.....

يالله لا تجعل المعروف لي سيه
ولا تشمت بحالي تو عدواني

من العدم مالقيت حواية الدله
الا بعودن سلف من عند جيراني

.....

‏صار التعامل صعب جداً مع الناس
ماعاد تعرف صاحبك من عدوّك

حاول تصير انسان ماعندك احساس
يمكن يزين الوضع وتعيش جوّك

سعيد العلياني

ساس الرجوله كلها دين وافعال
ومن غير هالثنتين ماهي رجوله

ماهي تراها بالمهايط ولا المال
ولا هي بكبر المرتبه والحموله

المال كل يملكه حتى الانذال
والمرجله ماكل رجلّ يطوله

لان المراجل ماتجي بأي رجال
الا الذي تشهد لهرجه فعوله

.....

ياكثر كرهي للعفون اللي مثل شغل النمل
اللي تجمع للـــوريث ولا تـــــسر نفوســها

وياكثر حبي للرجال اللي يلــــمون الشمل
اللي يصادمها الزمان ولا يلـــــــين روسها

الراي يبغاله رجل والحـــمل يبغاله جمل
والطيب يبغاله رجال ماتــــــصر فلوسها

مفلح الرقابي