اخترنا لكم شعر نبطي وفصيح

‏والله إن هالات عينك تزود الزين زين
ما تقلل من حسن هالعيون الطاغية

القمر مازيّنه غير هاك الندبتين
ولا هو من دونها لمبةٍ متصاغية

يزيد الفوازي

أنا من يوم شفتك فز كلي
وصافحت الزمن كله بيديّا

لبست أحلى الكلام وجيت أهلّي
هلا بالعمر يا سمح المحيّا

.....

‏اطلب الله فالستر واسجد وهلل
واجتهد فالنافلة وهي الفريضة

واعلم إن العمر أيامه تخلل
بالسعادة ولا بأيامٍ بغيضة

والعشر ماقد خبر ضله يضلل
في ربيع الوقت ولافي مقيضة

وإن شعرت اليأس في قلبك تسلل
عن ديار الضعف لك دارٍ عريضة

ومن يحاول من نجاحاتك يقلل
اقطع حبالك منه لو هي غليضة
‏‌
إبراهيم أبو فمين

‏في رجا الله ما يخليني لجّدي واجتهادي
مارجيت إلا وعده وما خشيت إلا وعيده

‏صالح النشيرا

من متى وأرواحنا عطشى لمزاحك
لي متى وهذا الوله ساكن غرفنا

من صغرنا ماننام إلا ببراحك
ومن كبرنا غير ضحكك ماعرفنا

ليت قبرك وسعه بوسع انشراحك
وليتنا من وحشة الدنيا سلمنا

.....

‏وآلّله ما مثـل آلتـوكـل على آلّله
يملآ لك آلدنيـآ سـعاده و توفيق

وآللـي يردد دآيـم آستغفر آللـه
تلقآه مايدري عن آلهم وآلضيق

.....

اسرقيه من التشاؤم والشماته
‏واسهري له في لياليه الطويله

‏واضحكي له لو هموم الوقت جاته
‏ضحكتك قمـرا تنوّر كل ليله

‏و كل ما ضاعت من يدينه حياته
‏امسكي ايدينه بقوه واضحكي له

.....

من ساقه الحظّ لين يصبّح بوجهك
‏ يشوف خير الصباح اللي يقولونه

.....

حتى مواعيدنا لو ما تتم ما تموت
أنتِ كريمة جفى وأنا كريم إنتظار

.....

محبتْك حتى في غيابك مثل ما هيّ
‏لا هانت لياليك القديمة ولا هنتي

‏من المستحيل يحول عن ذكرياتك شيّ
‏لو يحول من دون اللقاء حاجز إسمنتي

‏يروحون كل الناس مني شوي شويّ
‏ولا فيه أحد يبقى على البال غير أنتي

.....