اخترنا لكم شعر نبطي وفصيح

كل دارً يستريح بها ضميري داري
وكل وجهً يستريح له الفؤاد أحبه

.....

في سهلة فيها المنايا متاريس
‏يبدي بها المشحوف مافي ضميره

‏اليا بغيت اجلس ترى لي مجاليس
‏واليا بغيت انهج دروبي عسيره

.....

تعال ياسكر نبات العشق ياملح القصيد
غيبتك لي مدة وانا اغني على طاروقها

واصبحت تسري وسط شرياني وفالوريد
تقفي وتقبل وانت لي طعم الحياة وذوقها

.....

هلا باللي مراسيله تنور شاشة الجوال
يفز القلب لاجتني رسالة من مراسيله

.....

تولعّت في غرو غريرٍ يتلّ السير
ابيّ نظرتٍ من لفتة الحرّ وسبلته

صغيرٍ بسنّه غير عندي ماهو بصغير
يامغلاه في قلبي وياكبر منزلته

أجمع له سمان الهرج خوفٍ من التقصير
ولا جيت ابشرح له كلامي تهيزلته

يجيني منّه هيبه معزة سحى تقدير
اقابله عندي علم وأروح ماقلته

سعد بن جدلان رحمه الله

عانو اللي نصف سعره يهز الاقتصاد
جيب لكزس تو صدّر جديد اخر موديل

ما يكيّش سعره الا هوامير البلاااد
مايجيبه راعي القرض والدخل القليل

لو شريته صبّحوني مكافحة الفساد
وقتها في ذمتي ما يطلعني الكفيل

ومستحيل اجيبه الا لمن الله اراد
وانا داري ماعلى الله شي ٍمستحيل

جراح العتيبي

كرامة الطيّب اكبر من كبار الظروف
وقسوة ظروف الحياة تلاوعه في شقى

والوقت متغير وصلف الليالي تحوف
عزيز قومٍ يكابر و الظروف محقى

ولو يختلف كل شي وكل شي منه خوف
يبقى على ارحب وحي الله ودام البقى

لو كان ما يملك من المال قيمة خروف
يملك وسبعين نعم وهقوة اللي هقى

.....

خلوني الحالي بعيدً عن الناس
مرتاح بالي في حياة البساطه

ما غرّني كثر الدراهم والإلماس
وشوفة زخاريف القصور و بلاطه

اسبح الله واحمده مذهب الباس
اخير من حكي البشر واختلاطه

‎رجا عوض العتيبي

واصل قريبك قبل تحضر وفاته
وتودعه في المقبرة بين الاموات

قريبك اللي قاطـعه في حياته
ويش فايده قبلة جبينه ليامات

‎عبدالله الطلحي

الكريم اللي يحب الضيف يسلم فاله
فاتحٍ بابه وسمحان الوجيه اتدلّه

من كرم يمناه دايم تشتكي عماله
بين ود الطيب رد الطيب هات الدله

.....