فوق هام السحب ( الشعر الشعبي) على متن القوافي

السوالف بيننا لا تجي مثل الزهيب
‏وأتّناقلها العرب لكن اسمع ما يلي !

‏خل من بيني وبينك مثل خط الطبيب
‏مايعرف قراية حروفه إلا الصيدلي

.....

ما جا على الدنيا مقدر ومقسوم
‏وسود الليالي ماوراها مروفه

‏مدام روس الي يحبونك سلوم
‏المال ونفوس الحياه مخلوفه

.....

‏سنين العمر تطويني وأنا في عزتي هارون
وكم أيوب في صدري شكا صبره وإصراره

.....

‏محتفظ بك ولا لي في بديلك طراه
‏حفظ مال اليتامى في يدين اوصيا

‏جيت باعيش دونك بس وين الحياه
‏دام وجه الفراق اقشر ولا به حيا

.....

انت الحياه وطلتك تفتن القلب
حبك سقى ظامي فؤادي فديتك

أناظرك بالعين واشتاق وانصب
النبض نبضك والقلب صار بيتك

.....

رآحـو بـلآ مـوعـد وغـآبـظ؛ مـلآمـحـهـم
مـآ يـوجـع آلـفـقـد لـكـن تـوجـع آلـذگـرى

.....

الـذيـب مـاةيـرقـد لـيـا صـار جـوعـان
يـسـري بـتـالي الـلـيـل مـن شـان جـوعـه

مـثـل الـحـبـيـب ان صـار ضـايـق وزعـلان
سـهـران طـول الـلـيـل يـمّـسـح دمـوعـه

مـابـيـن جـوع الـذيـب وإحـسـاس الإنـسـان
تـبـقـى الـعـلاقـة بـيـن حـاجـة ولـوعـة

.....

ودي بك وانت تبغاني
باين عليه وباين فيك

تعال اسكنك بين ضلعاني
وسط قلبي وروحي تدفيك

وان تبي تسكن اعياني
عيوني فراشك ورموشي تغطيك

اعاني اي والله اعاني
دايم عيوني سهيرة وتبكيك

ياحبيبي والله العمر فاني
اغنم ايامك واغنم لياليك

ياجواهر والماس يا الكوكباني
لاواهني ايدين ضمتها اياديك

انا من الوحدة اعاني
فكل حزة اجيب طاريك

انا مجرد إنسان وحداني
ليتك تسليني وانا اسليك

كل واحد يبي الثاني
عسى الله يازين يهديك

بالله عليك لاتزود احزاني
لوتبي الروح والله لعطيك

.....

بعض العرب تطربك لحظة سماعه
ودك معه تقضي حياتك على طول

لا صار راسك يشتكي من صداعه
يغنيك قربه عن حبوب البنادول

لا من عطيته شبر يعطيك باعه
طيبه معك مع مر الايام محصول

وبعض العرب ودك وصاله قطاعة
كل ما اتصل بك قلت لاحول لاحول

قربه يدمر لك جهاز المناعة
تجيه وانت بخير وترد معلول

لولا المراجل والسنع واتباعه
ودك تقرب له مع التمر ديتول

.....

رحلت عني وطيفي مارحل عنك
مازال حبك معشعش داخل اعماقي

ياباهي الحسن في سحرك وفي فنك
هواك حرم منام العين بحداقي

اخلصت لك بالمحبة والغلط منك
تركتني احترق واذوب بشواقي

فرحت من فرحتك حزنت في حزنك
لليوم مازال عهدي بالوفاء باقي

رغم اني اوفيت لك ماخاب بي ظنك
وللأسف خنت بعد الود ميثاقي

نسيت اني من اول يوم مستنك
وكنت أعز البشر من بين عشاقي

.....