فوق هام السحب ( الشعر الشعبي) على متن القوافي

‏مغترب عن ديرة احساسي وعن مربى شعوري
‏لي ثلاث سنين أدوّر لي على منفى و ديرة

‏لا تثاقلت الحضور اغوص في غبّة بحوري
‏لين أجيب الدّر من قاع الغياب المستنيرة

.....

‏تعال دونك واترك الدنيا وراك
‏صدقني الفرقا ماهي من صالحك

‏انا الضمير اللي يردك من خطاك
‏وان قلت سامحني ترى بسامحك

.....

أتمادى في حضورك وأتودَّد
‏يا بعد من يَنسج الغيمة قلايد

‏فيك أمدّ الصوت والليل يْتمدَّد
‏لين أحبَّ الوجنتين أمّ الرغايد

‏كيف أبى أتخيَّر سناك وليش أحدَّد
‏والسنين مسيَّرة والعمر بايد

‏آه يا ملح اللّيالي لا تصدَّد
‏أنت صدَّك ما تخفّفه القصايد

.....

‏يانصف عمر الحياة ومبتغى نصفّ دين
‏من عاش بك حاضره ماخاف مستقبله

‏يادعوةٍ مستجابه من حدا الوالدين
‏يافرحة اللي ضحك حظه وطاب عمله

‏مايَكفي العمر لو عشته معك مرتين
‏والعمر مرّه ولا يعتاض وانت أجمله

.....

‏شفت الوله مابين حرفك وعينك
‏من غير لاتحكي فضح بك غرامك

‏يا معاند أشواقك لعب بك حنينك
‏ليه المكابر دامي كل إهتمامك

.....

‏ماتدري الشوق يامكثر عذاريبه
‏اقل مافيه ضيقه داخل انفاسك

‏واللي تعذر يقول الشوق ماليبه
‏هذاك يالحب مادنق على كاسك

.....

‏الهوى غلاب والعذال مرضى
‏والتغافل شيمتي وأحلا صفاتي

‏يزعل اللي يزعل ويرضى اللي يرضى
‏إنت أجمل شي شفته في حياتي

.....

‏مطارد الأحلام يبغى وسع بال
‏وشلون نحكي لك ومن وين نبدا
‏
‏صديقي الحالم ترى بعض الآمال
‏تحوّلك من كائنًا حرّ عبدا
‏
‏لا تصير حاجة فارقة صير رجّال
‏المرجله من كل رغباتك أبدى
‏
‏الركض خلف الصيت والمجد والمال
‏يخلّي الرجال من غير مبدا

.....

‏عادتك ما تترك لغـيرك مجال
‏يختفون الكل اذا نـجمك لمع

‏يضربون بنـورك الطاغي مثال
‏منزلك عالي وشانك مرتفع

.....

‏حاوطيني يا نسانيس الهواء وسط المدينه
‏يكفي إنّي بين لمّة هالعرب كنّي لحالي

‏من يبيع من السنين الماضيه ليله ثمينه
‏مستعده أشري اللي فات وَاعيد الليالي

.....