اخترنا لكم شعر نبطي وفصيح

‏انا معـــي قلب طيـب لاكـــن اتعبني
وطيبتــي للبشـــــر زادت في اتعابي

اوفي مع الناس بـس الناس تخدعني
واكثر اكسار قلبـــــي من بلا اقرابي

كم يا متاعب فـــي اعماقي تعذبني
من جور طعنات اعز الناس واحبابي

وياكم جروحن بوسط الروح تحرقني
كانوا سببها رفاق العمــر واصحابي

.....

‏ان جرعت من المراره جزعت من الذهول
‏وان صبرت من الصلابه بكيت من الحنين

‏وان تمعنت الصور ما لقيت الا القبول
‏وان تذكرت الليالي لقيت الصبر زين

.....

اشوف السّفر ما بين فتره وفتره زين
‏أنا بحاجة غياب أتفحّص به أشواقي

‏تراودني الضّيقه لها حروة اسبوعين
‏وتاثيرها واضح عليّ وعلى أخلاقي

.....

‏ لـ محمد بن فطيس :


‏واللي يريـد الوصـل يـا مكثـر الطـرق
‏ لـو وقفـوا كـل العـرب فـي دروبـه

‏دافنيـن أوجاعنــــا بيـــن الضماير
مانحــب الناس تعــرف ما جرحنا

ويوم صرنا نكتـب ابيات المشاعر
بان كل الحـــزن فينــا وافتضحنا

يا جــروح الوقـت صابتنا الكساير
حـزننا غطــــــاء بدنيـــانا فرحنا

كل ما حاولـت مـــن حزنـي أكابر
هاجسـي قدام خلـق الله فضحنا

.....

صحيح الخطأ وارد لكن الأسف مطلوب
‏ما هو عيب لا زليت ثم جيت متأسف

‏لكن لا تحاول تلبس الثوب بالمقلوب
‏تزيد الخطأ بعنـاد وتصير متحسف

.....

‏مع غيرك أقسى مْن الحجر وأثقل من الطود
‏ومعاك النسانيس الخفيفة تمرجحني

‏على غيرك عما عين وجفا قلب وثقيل لسان
‏وعليك أنت الخطاوي تسبق أوّلها تواليها

‏يوم غيرك يبي منّي ولو ربع كلمة
‏كنت أسنّد عليك السالفة والقصيدة

.....

محبة انسان واحد صادق وفيه خير
أبرك من ألفين شخص يحبك مجامله

.....

‏من يعين في حياته على قلبك طريق
‏يختصر على السعاده مسافه كافيه

‏الله اللي حط وجهك يداوي كل ضيق
‏لبى والله وجهك اللي يجيب العافيه

.....

‏تبسم وهات السالفه جعلني ما ابكيك
‏لا تترك خيال البعد يجتاح تفكيرك

‏يا حلو العوض حلواه لا صار منك وفيك
‏ويا شين العوض شيناه لا صار من غيرك

.....