فوق هام السحب ( الشعر الشعبي) على متن القوافي

‏زمان اول تحوّل غصب ولّا طوع
‏ابي اعرف متى وشلون يتحوّل
‏
‏يغيّر هالزمن والحلو فالموضوع
‏انا اللي ما تغيّر من زمان اول

.....

عذرك هزيل وسالفتك أجوديه
بعض الحكي ماهوب مفروض ينقال

ان كان قصدك بالخطا طيب نيه
لا تصير طيب حاول تصير رجال

.....

ما حسبنا للزلايب ولا هرج الرخوم
خشمٍ نقدر جنابه وخشمٍ نلطمه

ومن علينا يحمل سلاح ويحرش خصوم
والله ان نسلب سلاحه و نخلع محزمه

.....

لا شفت من يزعل بليّا خطا منك
‏حاول عن اسباب الزعل لا تقصّى

‏أمّا لقى نمّامٍ مسولفٍ عنك
‏والّا على ما قيل خبلٍ موصّى

.....

أمشي على طيب الفكر والنوايا
وان طابت النيه ترى سعيها طاب

لاصارت الحاجه بايدين الردايا
اقفيت أردد منة الناس بتراب

.....

ارتح من صدوف المقادير وامن
‏واضحك وعيش المقبلات بشقاوه

‏عاد انت لو تدري مسمّى على من
‏من الفخر عطيت ابوك السماوه

.....

حيّ الله اللي قباله عالمٍ ثاني
‏أسج به عن غثاء الدينا وما فيها

.....

عليك الغلا مردود يا الغايب الموجود
‏سوالفك غابت مير طواريك ما غابت

‏غيابك حضورٍ له بصدر البيوت شهود
‏ويش اللي يغيّب ضحكتك والغلا ثابت

‏أحنّك مثل ما حن وجهي من المنقود
‏وأعدّك ليا عديت الأيام وش جابت

.....

المحبة من الله والغلا له سبايب
وانت سبة غلاك اني احبك من الله

.....

الديره اللي غلاها زاد فيني وفاض
واغليتها من غلا اهلها وسكانهـا

يجتاحه الشوق ويغازل فصول الرياض
ويكتب قصيد الغزل كله على شانهـا

.....