اخترنا لكم شعر نبطي وفصيح

يابحر ماني نادم ان فات مافات
نص الحزن راح العمر ما شرحته

مبطي هذاك الحلم في ناظري مات
ابكي علي فقده وانا ما فرحته

تدري وش اللي يشغلن كل الاوقات
اندم علي قلب الوفي لا جرحته

.....

يا شوق يدفعني على شوفك أشواق
والقلب عندك يتلع الجيد ماسوق

أنا لشوفك طول الايام مشتاق
عليك لي واجب وعندي لك حقوق

واجبك تفرج ضيقة الصدر لى ضاق
وانا عليّ أرفعك بين الملا فوق

قلبي عليكم بين الاضلاع خفّاق
حلو الكرا من فقدكم حارب الموق

في ناظري غيرك من البيض ما لاق
ما شاقني غيرك من الناس مخلوق

للحب بعيون المحبين مصداق
النظره أبلغ فيه عن كل منطوق

حرام ما مثلك مشى وسط الاسواق
بين العذارى كامل الزين والذوق

بيني وبينك ياهوى البال ميثاق
عهد الغلا مابين عاشق ومعشوق

.....

يحق لك يا ام الرموش المظاليل
سلي مظاليل الهدب واطعنيني

انا قطعت لشوفتك هجعة الليل
وانتي زرعتي ليل الاحزان فيني

لا تتركيني لليال المقابيل
صدي تغلي بس لا تتركيني

كل المشاكل في عيوني تساهيل
دامك بخير وساكنه وسط عيني

اشواق صدري قامت تحط وتشيل
وانا الذي لا اشتقت لك تعرفيني

لمصافحك بعانق الحزن والويل
حتى لو افني ما بقى في سنيني

مادامك اقربلي من الجدي وسهيل
بيجيك يوم وبلمسك في يميني

من يعشقك تسهل عليه الغرابيل
ويكفيني انك بس ما تجرحيني

وانا بلا نقص بجميع الرجاجيل
اطلق شنب ما ياخذج من يديني

لاني ليا حبيت حبيت بالحيل
ودامي عشقت استاهل اللي يجيني

حامد زيد

بلّغ سلامي للرجال المواجيب
أهل الفعول الطيبة والفريدة

اللي مجالسهم تفوح بـ الطيب
ووجيههم بيضا والملامح سعيدة

حنا هل الطولات وأهل التراحيب
وقت الرخا وأيامنا الشديدة

نندا على صوت الضحى للمعازيب
والجار له حشمة وقيمة أكيدة

ما نعرف دروب الردى والعذاريب
ونمشي على درب السلف والعقيدة

ورث ورثناه من معطّبين المضاريب
ساسٍ من ماضي الوقت حنا نشيده

والضيف ليا جانا له القدر والمواجيب
نقلط له اللي ما نحسب رصيده

من حاتم الطائي كسبنا المكاتيب
بالجود والإحسان وهذي وكيدة

وإن ثارت الهيجا وجتنا المناكيب
نارد حياض الموت ونجر بيده

سيوفنا تروي عطاش المشاهيب
وخيولنا تعرف نهار الوقيدة

.....

‏ليت الزمان الي مضى يرجع اليوم
‏وترجع لنا ايام القلوب النظيفه

‏ايامنا هالحين ظالم ومظلوم
‏ونيات بعض الناس ماهي عفيفه

.....

رفيق الرخاء لو عد نفسه من العراف
تبين علومه في الصعايب وفي الخوه

.....

البيوت اللي تضيعها الحواري والمدينه
شرقّت بارض القصيد وغربّت باللي كتبها

جيتها منا ومنا وابتلشت بكلمتينه
لا قدح للنار درب ولا سلمنا من لهبها

في شماله لعنتين ومغفرتها في يمينه
راحة ٍ قال يتغانمها وعود ّ في نشبها

لو تبيّن وجهه البارح كسرنا له يدينه
مير غطاه الظلام وعني عيونه حجبها

لو يدينه بعض علمه بعض علمه مايدينه
مختلط حابل رواياته بنابل من نسبها

لكن اعراس الخطايا لوحت لي بالحزينه
بنت ابوها والمسافه والزمان اللي نهبها

.....

انشد منيره عن اللي قال ذا لا تخسرينه
والحظيظ اللي تهنا حقق الحلم وجذبها

خذت حينك بعد حيني يوم حيني بعد حينه
والكراسي في زمن دوار نضحك من عجبها

لكن افهم والحروف اللي كتبنا لك رصينه
لا تعودها وربي لا حرقك داخل حطبها

القصيد اللي عسفته لي تمايل كفتينه
والعلوم الباقيه ماظنتي تسوى عتبها

.....

جاء يعايدني وهو يختال في ثوبٍ جديد
قال أظنّك ناسي أن اليوم هو عيد الضحيّه

قلت وش تفرق ثلاث سنين معك أعيش عيد
كلّ يوم ٍ يابري حالي تجيب العيد فيّه

.....

يا يبه وان قصرت ايديني ودارت بي المصايب
بارمي اعذاري على الغربه وقلّ المقدريّه

هاجسي المذنب رجع دمعة طفل بعيون شايب
وإغتسل من نزعة ذنوبه وتاب من الخطيّه

.....