( كاااان ..يا ما .. كاااان ) للشاعر : حمد مسفر الشمراني

كــاااااااااااااااان .......... يـامـا كـــاااااااااان
للشاعر : حمد مسفر الشمراني
.................................................. .......

ملّـت العيـن السهـر والقلـب يشكـي مـن نصيبـه
والـقـدر ما يمـهـل العـاشـق يـسـوّي ما بـدالـه

راحت أيامي وانا أطلـع مـن مصيبـه فـي مصيبـه
حتّى حظّـي صـار ما يعـرف يمينـه مـن شمالـه

مكتئـب مـن داخلـي بالحـيـل والدنـيـا كئيـبـه
والسـؤال اللّـي معذّبنـي عـلـيّ يلـقـي ظـلالـه

كيـف ينسـى مـن عشقتـه لحظـة مـوادع حبيبـه
كيـف ينسانـي وانـا ناقشـت فـي حبّـه رسـالـه

لحظةً مـرّت علـي اقـلّ ما توصـف ( رهيبـه )
همّشتنـي (؟؟) فـرق بـيـن الأستقـالـه والأقـالـه

غصب عنّي .. عقبها عرفـت وش تعنـي الغصيبـه
بعدهـا فهمـت وش تعـنـي مفاااهـيـم البطـالـه

والله اللّـي يعـلـم ابــن آدم بجهـرانـه وغيـبـه
انّ حتّى الحين .. مدري وش حصل له وش طرى له

اذكـر انّـه .... كانـت افكـاره تودّيـه وتجيـبـه
لكـن الماضـي يقـول إنّــه شربـنـي للثمـالـه

اذكر إنّه .. كـان بحـر أشـواق وافكـاره رحيبـه
عينـه اليمنـى سكـون وعينـه اليـسـرى هبـالـه

أذكــر إنّــه .. ما تعـدّيـه البعـيـده والقريـبـه
مايحـبّ الفلسـفـه والمختـصـر عـنـده إطـالـه

اذكـر إنّـه لا تباطانـي .. وجيـت .. يشـقّ جيبـه
وأحتـرم رأيـه وامشّيهـا جمـالـه فــي جمـالـه

أذكـر انّـه لازعـل فـي نظرتـه طيبـه وهيـبـه
لـو نظـر فـي شيـخ قـومً يمكـن إيطيّـح عقالـه

أذكر إنّـه متـزّن .. خـوّاف .. واطباعـه غريبـه
اذكر انّه لابغى ( الجمعـه ) .. مشـى يقعـد لحالـه

اذكـره واثـق بنفسـه .. والثقـه شــكً وريـبـه
اذكر انّـه لانـوى يصبـر .. صبـر فـوق إحتمالـه

اذكـر انّـه شيّـب إبراسـي قبـل يدنـي مشيـبـه
ماطلـب .. بـس ان تمنّـى ينعطـى والطيـب فالـه

كان يعشـق تحـت رأيـة ( توخـذ الدنيـا غليبـه )
كنت أحبّـه ضمـن مبـدأ اهـل الطهـاره والنبالـه

اذكـر انّـه ( كوكبـه ) والشهـد مـن فمّـه يذيبـه
أنذبـح بعيونـه العطشـا .. ظمـأ .. واروى زلالـه

كـان ياخذنـي بصمـت اهـل القلـوب المستنيـبـه
كنـت احبّـه ( غطرسـه ) وآحـط للإعـلام هالـه

كـان ينخانـي بدمعاتـه وانـا كنـت أنتخـي بــه
كـان عنـدي رأس مـال وكنـت عنـده رأس مالـه

كـان يضحـك وابتسـم واستأنس بدفـع الضريبـه
ميزتـي أزعـل قـوام وميزتـه فـي طـول بـالـه

كنـت مثـل الجنـدي اللّـي غايتـه يهـزم كتيـبـه
البحـر خلفـه بــلا مـركـب وعـدوانـه قبـالـه

كنت اشوفـه فـي خضـمّ أفكـار ساعـاتٍ عصيبـه
كااااان يتربّع على عرش الهوى وقـت إشتعالـه

كاااان ياما كاااان ... ياقهري مـن الدنيـا العجيبـه
يمكـن إيلاقـي بديـل ... ومستحيـل ألقـى بــــدالـه

قصيدة رائعة..
أشكرك على نقلها لنا..

مبدع دااائما ابو رااااكان الله يعطيك العافيه اخوي ال زميم

شكراً لك أخوية ,,, محمد آل زميم

ع هالنقل الرائع والأبيات الأأروع

الله يعطيك العافية

تقبل تحياتي وتقديري




أميرة الورد

الله يعطيك العافيه يامحمد
قصيده رائعه

طرح رااائع و جميل
أخي/ محمد
تحياتي ,,,

قصيده رائعه
شاكر لك يالغلا على نقله

دمت بود


.

قصيدة رائعة جداً , نالت إعجابي



أشكرك يا أخي العزيز على هذا النقل .

شـكــ وبارك الله فيك ـــرا لك ... لك مني أجمل تحية .




تبريــــ د

صح لسانك
بيض الله وجهك اشهد انك شاعر