08-04-2022, 10:10 PM | #1 |
مساعد للمدير العام ومستشار للمنتدى
|
الوجيه المطاليق
عش الحياه ولاتكدر ولاتضيق
يبي يجيك اللي انكتب لك من الله والله هو مدبر شئون المخاليق وله حكمته في دورة الكون كله لو كان همك كبر ابانات وطويق وصدرك يجره كل ضيق ويتله ينجيك من يرسي الجبال الشواهيق ويزين عقود السما بالاهله اذا حملت من العنا فوق ماتطيق وعجزت تلقى ضلع تزبن بظله اصبر وتلقى بالحياه التوافيق الصبر منجاتك اذا اوجست عله تلقف الارزاق مع فكة الريق وكل مايحين الفرض كبّر وصلّه ان كان نمت وماحرصت انك تفيق محد حريص ٍ انه يصحيك ، لله الذكر مفتاح القلوب المغاليق اللي عجزت عن كل درب ً تدله نفسك وعودها على كل مايليق واستغفر الله لو حصل منك زله احذر تخاوي ناقضين المواثيق اللي تعيش بدون مذهب ومله وخاو الرجال اهل الوجيه المطاليق اللي مساكنها البيوت المطله في مجلس ً كأن فرشه زماليق لو انت تجلس به دهر ماتمله سوالفه تفرد حجاج المعاليق ومعزبه فيه التواضع جبله العود لامنه على المدخنه سيق تقلط ملايكة السما في محله ولاتطب مجلس فيه حاسد وزنديق مايجمع الا اهل النفوس المغله سوالفه كذب ونفاق وخثاريق ماغير قال فلان وفلان قله من يشتري خوتك بين المخاليق اشتر غلاه وصون قدره و جلّه ومن راح لاتسحب عليه الطواريق ان كان ماردته الايام ، خله مافيه هم ٍ يشغل البال ويعيق الا تحصلّ عند مولاك حله ان عشت يومك دون شك ٍ وتدقيق تلقى حياتك بالرضا مسفهله عيشه بعز ولو لحق حاجتك ضيق ولاعيشة تلحق غناها مذله سعود العواجي |
08-04-2022, 10:47 PM | #2 | ||
مشرفة قسم الرياضة والرياضيين
|
رد: الوجيه المطاليق
شكرا على القصيدة اخي الغالي صح لسان قائلعها سلمت أناملك على المشاركة ودمت معطاء للمنتدى بارك الله فيك وفي جهودك وتقبل مروري المتواضع
|
||
08-05-2022, 10:02 PM | #3 | ||
عضو شرف قدير
|
رد: الوجيه المطاليق
صح لسان الشاعر
شكرا على الطرح الرائع جزاك الله خير الجزاء على الإفادة تحياتي وتقديري
|
||
08-06-2022, 01:53 PM | #4 | ||
مشرف المنتدى الإسلامي
|
رد: الوجيه المطاليق
بارك الله فيك على الموضوع اثابك الله الأجر واسعد قلبك في الدنيا والاخره دمت بحفظ الرحمن
|
||
08-08-2022, 02:24 AM | #5 | ||
إداري
|
رد: الوجيه المطاليق
بارك الله فيك ..
وجعل ماتقدمه من موضوعات فى ميزان حسناتك .. دمت فى رضا الرحمن
|
||
08-08-2022, 02:30 PM | #6 | ||
مشرفة منتديات قبائل شمران
|
رد: الوجيه المطاليق
صح لسانك الشاعر شكرا على المشاركة تسلم يداك لاحرمنا الله من نورك قوافل التحايا لسموك
التعديل الأخير تم بواسطة ريهام خالد ; 08-08-2022 الساعة 02:32 PM. |
||
08-08-2022, 10:56 PM | #7 | ||
مشرف قسم / الرياضه والرياضيين
|
رد: الوجيه المطاليق
شكرا على المشاركة سلمت يمناك ولا عدمناك.. دمت برضى الله وفضله
|
||
08-10-2022, 11:22 AM | #8 |
|
رد: الوجيه المطاليق
جزاك الله خير وجعله بموازين.. حسنااتك..
لا عدمناا حضوورك لروحك احترامي وتقديري |
08-18-2022, 11:25 PM | #9 | ||
المدير العام لمنتديات قبائل شمران الرسمية
|
رد: الوجيه المطاليق
أخي العزيز الحمدان شكرا لك على هذه التواجد الفعال والمشاركات النافعه والمفيده فبارك الله فيك وجزاك الله خير
|
||
|
|