12-14-2022, 04:47 PM | #1 |
مساعد للمدير العام ومستشار للمنتدى
|
بين شاعرين
شاعر يقصد في الحلال ( الغنم ) ويرده عليه آخر
قصيدة الفكاهية الآتية للشاعر/ مفلح بن محمد الرقابي، قالها بالغنم، وراعيها خلال عامي 1420 و1421هـ، حيت تتابع الجدب فيهما، وأصبحوا أصحاب الغنم يدفعون مبالغاً باهضة على شراء أعلاف الأغنام، ورواتب رعاتها، وهي بالبيع رخيصة، نظراً لعدم رغبة الناس في اقتنائها، لأنها تعيش على الأعلاف، التي تخسر صاحبها فضلاً عن أن يكسب من وراء ها وقد عارض هذه القصيدة كثيرٌ من الشعراء، يدلي كلٌ منهم برأيه حولها، وحول موضوعها: يا قشر وجهي مع وجيه الرجاجيـل والشيب شوفوا لحيتي قد نصفهـا ياليتني ما طعت شـور المهابيـل اللي مع البـران تسحـب غرفهـا المستريح اللـي ماعنـده مطافيـل مرتاح من برش الوجيـه وعلفهـا السلعه اللي ما وراهـا محاصيـل حصيلهـا عيـا يـعـادل تلفـهـا ركضت معها لين ذقـت البهاذيـل وصديق عينك مـا يربـي طرفهـا لا قلت كثرت هب فيهـا سعيبيـل امـا نصفهـا نصـف وإلا لهفهـا واحول الراتب على الهند تحويـل وأصرف على القرقر وأنا ما عرفها وكثر على الديـن والهـم والميـل خسـارةٍ نطلـب مـن الله خلفهـا == فلما انتشرت قصيدة مفلح الرقاب وسمعها الشاعر/ صالح بن محمد الكابري، وقال القصيدة التالية معارضةً ومجاراةً لها، ضمن من عارضها من الشعراء : يابو محمـد يـوم قلـت التماثيـل لا تسب ناسٍ تعتني فـي شرفهـا خلك ذكي واوزن كلامك عن الميل والبندق العوجـاء تجنـب هدفهـا أما الغنم للناس جيـلٍ بثـر جيـل قبلـك تعقبهـا القـرون لخلفهـا عندك خبر يعقوب وعمه اسماعيل لـه قصـةٍ كـل العبـاد تعرفهـا له قصةٍ مـن دون شـكٍ وتحليـل في محكم التنزيـل ربـي وصفهـا موسى رعى لشعيبب شرطٍ وتأجيل عشر سنينٍ ما حسب فـي كلفهـا عقبه ذبح فرعون في شاطئ النيل واحتل مصر اللي ربى في طرفهـا جسمه غرق والروح للنار والويـل مافادتـه كثـر الجنـود وصلفهـا له قصةٍ تشبه لقصـة هـل الفيـل الزمره اللي ربـي اعلـن تلفهـا يوم الربيع العام والعشب والسيـل وانته ما تميز عدلها من عجفهـا تشري ولا تعرف المضاريع والحيل وايضا ما تميز تمرها من حجفهـا واليوم منها شفت شتى الغرابيـل وتقول يا هنـي الـذي ماعرفهـا |
12-14-2022, 10:27 PM | #2 | ||
عضو شرف قدير
|
رد: بين شاعرين
صح لسان الشاعرين شكرا على المشاركة جزاك الله خير الجزاء تحياتي وتقديري لك
|
||
12-15-2022, 02:24 PM | #3 | ||
مشرفة قسم الرياضة والرياضيين
|
رد: بين شاعرين
سلمت أناملك على المشاركة
ودمت معطاء للمنتدى بارك الله فيك وفي جهودك وتقبل مروري المتواضع
|
||
12-16-2022, 12:02 AM | #4 | ||
مراقب عام وأداري للمنتديات
|
رد: بين شاعرين
شكرا على الطرح المميز تسلم يداك ولك اجمل تحياتي دمت بخير وعافية
|
||
12-16-2022, 05:36 PM | #5 | ||
مشرف المنتدى الإسلامي
|
رد: بين شاعرين
شكرا على المشاركة الرائعة
اثابك الله الأجر واسعد قلبك في الدنيا والاخره دمت بحفظ الرحمن
|
||
12-17-2022, 01:40 PM | #6 | ||
|
رد: بين شاعرين
صح الله لسان الشاعرين طرح رائع فشكرا لك لحد روعتك تسلم الايااادي وننتظر قاادمك كون بخير
|
||
|
|