ديوان قصائد لشعراء المملكة العربية السعودية (متجدد)☘️☘️

حي جرح قلبي



جرح الهوا يا عمير ما حد يداويه


غير الذي دماه ماله مداوي
يا عمير انا جرحي من العام شاكيه


باقصى الضمير بثومت القلب هاوي
حي جرح قلبي ونجض مكاويه


قل له بحق الحب يا عمير ياوي
قل له يعف ولا يعذب مصافيه


ان كان قلبه مثل قلبي شفاوي
ان غاب دايم كن عيني تراعيه


وان شفت غيره صرت مثل العماوي
القلب من جور المحبه يباريه


وعقبه بوسط الناس كني خلاوي
عليه جسمي باري الحب باريه


الله لحد يا عمير هو ويش ناوي
بالعلم هو همي وبالحلم اناجيه


وعليه اجاوب بالدجى كل عاوي
ياليتني ما ذقت مره وحاليه


وش جابني لولا أن هذي بلاوي
ابعدت وابعد وانتحا القلب يتليه


واليا جذ حبال قلب الرجاوي
ما يرعوي للي بصوته يناديه


وعزي لقلب ضيعته الهقاوي
الليس سلب كنون عقلي وانا اغليه


عليه يطويني من الود طاوي
لو صحت له بالصوت ماهوب موحيه


وكثر التوجد ما تجيب المناوي
من اول قلبي مهينه وعاصيه


وطعته على ما راد واصبحت غاوي

محمد الأحمد السديري

عزي لمن مثلي



الله لحد يا بعد حي نوده


لعل يسقي ديرته كل رايح
لعل يسقيها مزون مسده


وفي كل صبح الما على القاع سايح
ونيت من جور العنا والموده


وزادن على قلبي جروح جوايح
على الذي منساه لارحم جده


عليه قب الستر شفت الفضايح
اللي كما البراق يا عمير خذه


لو انتحها عني له القلب شايح
عزي لمن مثلي فضا الحب سده


واظهر كنينه واصبح السر بايح
يا مير انا صبري وصل راس حده


وقلب العنا عيا يطيع النصايح
اللي حرمني جود فضله ومده


له مضرب يا عمير بالقلب لايح
لطف الحشا يا عمير ما عنه صده


عليه نون العين بالدمع فايح
زاد الغرام وكل يوم نعده


وطال الفراق ودمع عيني سفايح
يا عمير من دونه ثلاثين شده


اخبر زين راعي الثنا والمدايح

محمد الأحمد السديري

إلى هب الهوى



إلى هب الهوى يزداد وجدي


على شانه يجي من يم نجدي
يمر ديار وضاح الثنايا


مجاديله على المتنين رجدي
عليه انوح في سمر الليالي


واحسب ان السهر والنوم يجدي
بعد فرقاه غاب الحظ عني


وإلى شفته فهو عزي ومجدي
ولا علم ولا طيف لفاني


نسيم الريح زاد الوجد وجدي

محمد الأحمد السديري

يامشرف المرقاب



يامشرف المرقاب خله لمشطون


حول وخل مولع القلب يرقا
خله لمشطون ٍتزايد به طعون


على عشير ٍ زود الهجر فرقا
كبدي من الغالي بها تسعة طعون


والعاشره يانمر بالقلب زرقا
طفل ٍ يتل القلب تل ٍ بلاهون


يسبى الفؤاد ويسرق الحال سرقا
محد ٍ عشق مثله من الحضر وظعون


وشمر وعناز ٍ وروق ٍ وبرقا
سهرت يوم ٍ الخلايق ينامون


ويزيد نوحي كل ماناح ورقا
ياسفلي اللي للهواء مايعرفون


يانمر شلاني من الدمع غرقا

محمد الأحمد السديري

إلى عذلت القلب



يابن زبن يا عمير يوم ان تبراق


ترى سميك لاح لي منه بارق
برق كشف وانا على البرق مشتاق


يوضي سناه بكوثر النيل غارق
من فيض غيثه ربعت منه الاوراق


اوراق مولاع به الحب مارق
قلب شكا من جاير الحب لفراق


طفل بوجهه كامل الزين شارق
إلى عذلت القلب عنه نيته تاق


بالزين توميلي عليه البيارق
من بد خلق الله له القلب عشاق


ولا ظنتي قلبي لقلبه مفارق
مملوح عجاب له القلب خفاق


جسمه رطيب غض بين المطارق
متغطرس عبث على القلب لحاق


للعقل نهاب وللقلب سارق
يا عمير خلاني على الوصل مشفاق


وهنيت ناس يالفون المشارق
عليه يحدا القلب ناتل وسواق


حي نضيره لأوسط القلب حارق
جروح قلبي به جديدات واعتاق


من مترف زينه على البيض فارق
ارضيه وازعل من يهدون الاشناق


ملبسين الخيل حمر المعارق
هنيت من هو للهوا ما بعد ذاق


ما شب في قلبه من الحب حارق
إلى ذكرته صار بالقلب دقاق


واذكر جبينه كل ما شفت بارق

محمد الأحمد السديري

قالوا قحوم



عن غوج ابو خالد نشدنا هل الخيل


قالوا لنا يلفح بيمنا سليمه
قالوا قحوم ويرفع الرأس بالحيل


مع اول الغاره يعطعط رهيمه
يهز عرفه والسبايا مشاويل


متذكر هاك الفعول القديمه
يسبق ولا يلحق بركضه تنافيل


والبكره الوضحى خذاها غنيمه
كسبه فتاة ولا يخز المخاليل


هاك الخزيزه حط فيها سيمه
غارة ضحى ما غارته باوسط الليل


على النقا بالكود يجدع خصيمه

محمد الأحمد السديري

قلبي نهبته



يا قاتلي من غير ذنب جنيته


الله يبيحك لو توطيت بدماي
والله لمشي لك على ما بغيته


يللي من أجل ارضاك ترخص مناياي
لو انت تطلبني فؤادي عطيته


بلا ثمن يا مورد الخد برضاي
شرفك عن عيب ينوشه حميته


وذنبك بقتلي والرضا منك مداي
القلب من بين الضماير خذيته


واصبح مقره خالياً من حناياي
قلبي نهبته عنوة ما شريته


وصفقت باليمنى على كف يسراي
ان جيت ارده بالحشا ما قويته


يبي حماك وفر من داخل حماي
واللي عذلني عن غرامك عصيته


على طريقك تسرع الرجل بخطاي
إلى عذل صديت عنه ونهيته


لو هو قري بوغالياً من دناياي
ومعرفوك اللي نالني ما نسيته


وانت الوحيد وغاية القلب ومناي
وانت الذي خافي ضميري كويته


وانت الذي تعلم بسري ومنهاي
وانت الذي زرع بقلبي سقيته


ونور بشكات الزهر عقب الذواي
وكتب على قلبي كتبته قريته


اسمك وترجمته على القلب بسماي
ووعدك لو انه بليل نصيته


نورك بحندس مظلم الليل قمراي
الى ذكرته شاح قلبي وجيته


لو هو يسيل الدم من سبت ماطاي
ارضاك في غالي حياتي فديته


وارخصت غال الروح برضاي وهداي
اتبع رضاك وكل حي جفيته


وامشي بشفك لو عتب كل حكاي
إلى طرا لي عنقك اللي لويته


اغيب باحلام السعاده بدنياي
على رحيق اشفاك قلبي غذيته


وقطفت ورد من شفاياك بشفاي
ورد على خدك برمشك حميته


بهداب عكش ضللن عقب الغضاي
لولاك مرقاب العنا ما رقيته


وجاوبت مفجوع الحمايم بنجواي
رجم على راس الطويله بنيته


اجيه واعلى طية منه مركاي
اهيض اللي في ضميري كميته


وطلال لو ناديت ما يسمع انداي
لو انه ابو بندر قريب نخيته


ان كان يفزع لي على كود بلواي
هو الذي من بد ربعه رجيته


وعز الله انه عارف غيب شكواي

محمد الأحمد السديري

آه من دمعٍ على خدي سفح



آه من دمع ٍ على خدي سفح


من فراق اللي على غيري شحيح
من فراقه بالحشا قلبي لفح


ساكن ٍ وسط الحشا حبه صحيح
من ربا صنعا إلى غربي رفح


ما سكن وسط الحشا غيره مليح
ان تعمدت الخطا عنده صفح خابر ٍ قلبي من اسبابه جريح

في غباب الحب انا قلبي طفح هايم ٍ ببحورها ما يستريح

ريح خلّي مع هوى الغربي نفح من جنان الخلد ريحه فيه ريح


محمد الأحمد السديري

قلب خفق من بين محني الأضلاع
وعينٍ تهل دموعها من ولعها

بغيت أعذل القلب لاشك ما طاع
وان خايلت عيني خيال تبعها

قلبٍ لها في كل الاحوال مطواع
يمشي مماشيها ويتبع سنعها

ترميه ببحورٍ طويلات ووساع
مجنون ليلى خاضها ما قطعها

ما للقدم.. والقلب.. والعين ردّاع
هامن غبابٍ نوح الاول ذرعها

ومنهن بليت بجادلٍ توجع اوجاع
بسودٍ تعالا شان ربٍ صنعها

سودٍ نظرهن يجعل القلب ينلاع
ومن ما عمل هاروت سحرٍ نشعها

لوجا نظرهن فوق صم الصفا ماع
ولو طرفهن شاهد لرضوى صدعها

يلومني من لا عرف زين الاطباع
اللي شريفات المعاني جمعها

الجادل اللي ذكرها بالملا شاع
ومنها جميع البيض بارت سلعها

لاجيتها القى لي مصيف ومرباع
وقلبي عنه هاك المواجع نزعها

ولو ضرّت الخفّاق ماهوب قطّاع
ومهما تبي ما ذكر خفوقي منعها

ولاني على ما يجرح العرض طمّاع
نفسي عن الهسّه شرفها ردعها

اللي مشى لك شبر.. قم وامش له باع
ونفس الرخيص بسومه الرخص بعها

وانا بعون الله على الكود بتّاع
واطلع جبالٍ ترهق اللي طلعها

والزين لو دونه رواصيد واسباع
لا هايبن منها ولا اخشى فزعها

وان غاب عني كل قلبي معه ضاع
ودنياي عقبه عفت باقي طمعها

لا شاري فيها ولا نيب بيَّاع
عجزت تسعني ربعةٍ من ربعها

وان هب لي من يمّه الشوق ذعذاع
الروح من بين الضماير شلعها



الأمير محمد الأحمد السديري

المترف اللي ما يماتع صويبه
جربت منه وكل شيء بتجريب

أدعج غنج كنه عيون الربيبه
شيهانة تغرس بكل المخاليب

العين خرسا من طربها غضيبه
فيها لطراد الموده مغاليب

وعود كما البردي ليان رطيبه
يومي به النسناس بين النبانيب

وريحه كما ريح النفل في شعيبه
في مربع عله من الوسم تشعيب

ممطور أمس ودارس ما وطي به
واليوم شمس وفاح طيب على طيب



سليمان بن شريم