ديوان قصائد لشعراء المملكة العربية السعودية (متجدد)☘️☘️

خمسين عام
سافَرَت
خمسين عام من الزمان
هي عمر؟
والاّ على هامش زمان؟
هي حقيقة علم؟
والاّ هي سراب؟
هي مواجيع الدهر؟
والاّ حنان؟
في عجاج أيامها
دربي يذوب
تاهت الخطوه
وضيعت المكان
أنشغل
عن عمري بعمر آخرين
وانتبه
في لحظة غياب الأوان
مَرّت الدنيا
وأنا ارسم لوحتي
أرسم الفكره
على صهوة حصان
مرت الدنيا
وأنا شعري طفل
ما عصرت الروح
في حرف البيان
مرت الدنيا
وأنا حلمي سحاب
فوق سرج الريح
مطلوق العنان
مرت الدنيا
ولا ادري وش قضيت
من حوايج خاطري
ذكر وعيان
العمر ينقص
وحاجاتي تزود
عقب ما هي أربعن
صارت ثمان
سَافَرت
كن الصحاري ما ازهرت
والمطر ما كنّه أنبت قحويان
سَافَرت
كن الليالي ما أقمرت
ما تقل
سامرت نجمات حسان
ماتقل
غنّت حمامه بالهديل
والهوا
ماهز عود الخيزران
سَافَرت
كن الحوادث ما جرت
وأصبحت سوالفي
كانت وكان
يا زماني
حاجتي في ركعتين
غير ربّ الوقت
مالي فيه شان
خالد الفيصل

محمد حسن فقي


المصباح المكسور

لا..
لستُ أَقْوى يا فتاتي أنْ تَحولي.. أو تَصُدِّي..
مِن بعد عُمْرٍ عِشْتُ فيه .. وعاش في الفِرْدَوْسِ وَجْدي..
قد كنْتِ فيه معي.. وما كنْتُ الأثيرَ به لِوَحْدي..
فَتَرفَّقي أو سوف تَغْترِبين في دُنْياكِ بعدي..
***
لا..
لسْتُ أَرْضى. لا بِدَمْعي المُسْتَفِيضِ ولا بِسُهْدي..
مِن بَعْد أنْ أَصْبَحْتِ مِنِّي.. كوكبا في الجَوّ يَهْدي..
وغَدَوْتِ بَيْن الغِيد سِحْراً في طَيالِسِهِ. وفتنةَ مُسْتَبِدِّ..
وغَدَوْنَ هن.. على طلاوتهن عيشاً غير رَغْدِ..
***
لا..
لسْتُ أَقْوى بعد تضحيتي وإيثاري وشَجْوي..
أَنْ تَحْتَفي بعدي بِنِسْناسٍ. وأَنْ تَرْضَيْ بِجرْوِ..
وأنا الذي أختْالُ ما بَيْنَ النُّجومِ بِمَحْتدِي وبِحُلْو شَدْوي..
هل صِرْتِ سِلْعةً مُشْتَرِينَ بِلُؤلُؤٍ رُطْبٍ وفَرْوِ؟..
***
لا..
لَسْتِ أَنْتِ من اشْتَهيْتُ وصالَها تلْكَ الطَّهُورْ..
أنا لَسْتُ أهْوى غَيْرَ مُحْصَنَةٍ. بِعفَّتِها فَخُورْ..
حَسْبي بِذلك مِن جَمالٍ تزدهي منه السُّتُورْ..
شَتَّانَ ما بَيْن النَّسِيمِ. وبَيْن عاصِفةٍ دَبُورْ..
***
لا..
إنَّني الشِّعْرُ المُرَفْرِفُ بَيْن هاماتِ الكواكبْ..
لن أَرْتَضِي الحُبَّ المُدنَّسَ. تَستَحي منه المناقِبْ..
لا تَرْتَجِي الرُّجْعى. فإنَّ شمائِلي تَأَبى المثالِبْ..
نَأْبى الغَوانِيَ راقصاتٍ فوق أَشْلاءِ المناكبْ..
***
لا..
فَتّذكَّري كم كُنْتِ تُغْريني بِعاريةِ المفاتنِ واللُّحون.
ولَكمْ عَفَفْتُ. وكم عَزَفْتُ بِرَغْمِ ملتهب الشُّجُونُ.
فَأَراكِ غاضِبَةً تدمدم. لا تكف عن الجُنُونُ..
كَلاَّ. أنا في هَوايَ أضِيقُ ضّرْعاً بالمُجونْ..
***
لا..
إنَّني أَجِدُ الهوى المَسْعُورَ هاوِيةً يخيف ضِرامُها..
فَتَرُوغُ عنه إلى الهوى الحاني على.. حَشاشَتي وأُوامُها..
ظَمْأى إلى الرِّيِّ الطَّهورِ. فما يجور ولا يحيف غَرامُها..
تَشْدو وتَشْغَفُ بالسَّلامِ. ولا تَطِيشُ سهامُها..
***
لا..
فاسْمَعِيني. واهْجُريني. إنَ هَجْرَكِ لا تَضِيقُ بهِ الضُّلوعْ..
أنا.. إنْ أَرَدْتِ الحَقَّ هاجِرُكِ العَزُوفُ عن الخُضُوعْ..
لا أَنْتِ.. كلاَّ فاذْكُري تلك الضَّراعةَ والدُّموعْ
لا. لسْتُ بالرَّجُلِ الجَزُوعِ من الذُّيوعِ. ولا الهَلُوعْ..
***
لا..
وإذا الوَداعُ أخاف مَشْغُوفاً. فإِنِّي لا أخافُ مِن الوَداعْ..
فلقد نَبَذْتُ هواكِ إذْ كَشَفَ الهوى عَنْكِ القِناعْ..
فإِذا بِكِ الولهى.. بِلا حَرَج.. بمَوْفُورِ المَتاعْ..
وإذا أنا السَّالي عن اللَّيْلِ البَهِيميِ بِلا شعاعْ
***
لا..
فاسْتَمْتِعي بِهواكِ ما بَيْنَ الزَّعانِفِ والنَّدامى..
مَرحىً لهم ولَكِ التَّبِذُّلُ. فارفعوا عنه اللِّثاما..
أنا مُنْتَشٍ في الرَّوْضٍ ما بين البَلابِلِ والجَداوِلِ والخُزامى..
ولقد عَلَوْتُ به فجاوزت السَّحائِبَ والغماما

مدت لي الفنجال


أمجد الدبيسي



مدت لي الفنجال وابطيت ساكت

نسيت حالي لين ما احرقت يدها

ما ادري بكت من حرّها او تباكت

بس الاكيد اني ضفرت بشهدها

وكل المشاعر في خفوقي تراكت

ألين شافت في عيوني سعدها

الله ياليله من القلب حاكت

والله ياقلبٍ بليله ورَدها

لو الورود اللي بهالكون شاكت

ماعاد تفرق دام عندي بلَدها

قولولها انكان عني تحاكت

لاتطري اللي صار داخل وعدها

وانابعد عنها ابا اتم ساكت

وياااجعلني فدوه لفنجال يديها

قصيدة بسمة ذايبة



الشاعر: زايد الرويس زايد الرويس


لا ينكسر صمتك على

شفّة غرامٍ هايبه

شفني وانا مت اولى

دمعات عيني رايبه

زعلان؟ طيب يا هلا

سرّ الظنون الخايبه

قدام يدرون الملا

بالمخطيه والصايبه

ف المر نكهه للحلى

ف الآه بسمه ذايبه

لا تنحرج مني ولا

تقول نفسك طايبه

يا هيك نسهر يا بلا

والليل عينه شايبه

وانا اوعدك لاكسر على

شفّتك شفّه هايبه

ماضي ولايرجع
الشاعر: متروك حاوي العنزي متروك حاوي العنزي


مافيه صوتٍ نسمعه مافيه نوربهالظلام
سكون مايكسرحواجزهيبته الا الزحام
..ياكيف اسلي حالتي بعدالأنس ياوحدتي..
كانوهنا وكنا هنا نحكي عن اعلوم الغرام
وين البشر ماكنهم غنوا لنابعذب الكلام
..اليوم ظلمه ديرتي والقلب يشكي حسرتي..
أشفق على حالي وهي تشفق علي من الملام
كنا سوا نسمر سوا نمشي سوابين الأنام
..ياحائرة من حيرتي معقول ترجع فرحتي..
راحت علينا بس ذكراها تودعنا وتسقينا هيام
ماضي ولايرجع وأنا باقول للماضي سلام

ياماجد اللي كانت تمر الأدناس

صاحبك عن درب العلاقه حرفها

وهوّن ترآهآ بخفةٍ تشبه اكيآس

تلعب ريآح الطآمعين بكنفهآ

ولآ حرّكت يالذيب شعره من الرآس

ولآ هي بحمل اطلب بقآيآ سلفهآ

شوقي على الدرّه وْانآ جيت غطآس

دآخل محيط.. الضآيعه مآجرفهآ

ومآني مقرّب شط تغشآه الاتعآس

خل الرديّه تآيهه في قرفهآ

اللي رقآ معْهآ على ضلع مندآس

هذآ شنبي لو مآبيدّه حذفهآ

الفرق مآيخفى.. يآفآلصو يآ ألمآس

وكلٍ قْروشه وين يبغى صرفهآ

والدمعه اللي مآلهآ سآس واحسآس

جعل العمآ للي لشينه ذرفهآ

يا ابن المحيآ هب بالقلب نسنآس

وطهّر خفوقي من علوم إقترَفهآ

ولآ عآد اهآب إليآ طرى رمح جسّآس

لاْن الوفآ خصله وجآ محترفهآ

يمنآي.. شيخٍ بينه شيوخ جلّاس

ويمنآه.. في دينه وفكره حَلفهآ

مآعآد يشغلني من الغير وسوآس

إلا الصفآت الزينه.. ابغاْ أتصفهآ

اللي دروسه جآت.. من دون كرّاس

نتآجهآ.. اتسرّ عينه خَلَفهآ

وكنّي مآعآد احتآج بالوقت درّاس

دنيآي في بحرٍ.. وفكري غرفهآ

شفني رقيت بعزة القلب والراس

وتبقا اليمين بذمّة اللي حلفهآ


أمجد الدبيسي أمجد الدبيسي

يانفس كافي كل شيٍ تبيّن

كثر الخطا ماهو عليه اتفاقي

طرد الحياة بعين معتوه هيّن

ومرتاح من هو بطاعة الله شاقي

شخصيتي وسط الحياه.. المطيّن

مثل النخيل اللي بليا سواقي

حاولت في ماض التفاكير.. عيّن

واليوم فيني عزم وزاد اشتياقي

للدين ولاغيره وزيّ التديّن

من قبل يلفي الموت واموت.. باقي

على الجفا والبعد وهم التليّن

ماني بحمل ذنوب منها احتراقي

باقلب دوائر فكرتي للمعيّن

لين الزوايا تنفرج لاختناقي

تحت التراب الوضع ماهو متزيّن

ماعاد فيها. لو. يالت. هاقي

باقابل اعمالي وماهو متشيّن

وفيها يزيد من الفراق اعتناقي

يالله طلبتك كان هالضيق بيّن

تجعل على ماقيل فيه الفواقي


أمجد الدبيسي أمجد الدبيسي

يامُلهمي كانك عن الدرب صديت

القلب الاخضر تشعله نظرة اعجاب

وكانك معزم في خطاويك واقفيت

بأطويك صفحه وافتح لبعدك ابواب

كيفي قصيد ومنْه ياما تقهويت

اجيه وألقى من حلاياه ترحاب

وكانك لقيت الغير وللغير وليت

كني اشوفك جالب لموتك اسباب

عليت قدرك لكن انك ترديت

بين النجوم وجالك الشين جلاب

خلك على ما انته وانا اللي تغنيت

صحيح مزيونن وللعين جذاب

وانك بنيت بداخل القلب لك بيت

وحتى كرات الدم ترخصلك ارقاب

لكني بالنسيان شفني تحليت

وغردلي العصفور وتنبحلك كلاب

ولا جيتني يازين في كف عفريت

ولاهي علاقة فاس ويدين حطاب

اصبحت في قربك وفي بعدك امسيت

ويالعن ابو صبحن يغطيه كذاب

لاشك ما انت اللي لقلبي تمنيت

والصقر ما يتبدل اليوم بغراب

وكانك لقلبي يا ادعج العين حنيت

صفحتك راحت وابتدا بغيرك كتاب

كني على لكزس وكنك بوانيت

يعني على ما قيل ماني بمرتاب

دوم آتغنى واردف البيت بالبيت

وان جت على حبك ترى خاطري طاب

أمجد الدبيسي أمجد الدبيسي

ياوقت ما لليل عندي مزايا

ولا للصباح ان جا بدونه مزيّه

حاولت اشوفه في عيون الصبايا

بس الصبيّه ون تعلّت صبيّه

مايشبهه غير القمر في سمايا

والّا على هالارض قلبه سميّه

كل ماوقفت ادوّره بالمرايا

لقيته معشش بذيّه وذيّه

وإليا رمشت اتطيح دمعة غلايا

ما ادري عليه ابكي.. او ابكي عليّه

بس الاكيد إني اسير لهوآيا

واني بدونه كنّ مآلي هويّه

شوف الشوآرع في غيابه عرايا

وحتى المدينه لاذكرته خليّه

ان كان مابلّة عيونه ضمآيا

عسا العيون بطول بعده شقيّه

ياوقت لاجا الصبح يستر خفايا

والا المسآ..! مآآهو مخلي خفيّه


أمجد الدبيسي أمجد الدبيسي

تذبحني الحلوه إذآ قآلت تعآل

واكشخ واذبحهآ إلى من جيتهآ

ونمسي ضحيّة حب مأسور الدلآل

لكن وربي يوم جيت احييتهآ

مآ ادري اسميهآ المهآ وْالا الغزآل

والا اسميهآ حيآة لميتهآ

حبيتهآ من يوم مآكآنت لي مُحآل

ومن بعد مآ ضميتهآ حبيتهآ

يآليتني آذوق من فِيهآ الزلآل

ويآليتني يآقلب مآ ظميتهآ

لقيتهآ غصنٍ من الاشوآق مآل

وللحين مآيل مثل مآ لآقيتهآ

وكتبتهآ غيمه لقيت الحرف سآل

ومن اعشبت قريتهآ وعآيشتهآ

كأنهآ وردٍ تطيّرْه الليآل

وكأن في صبحي ترف لمّيتهآ

يآنآس مآ ادري ويش تفسير التعآل

اللي بعدْهآ دون مآ اشعر جيتهآ


أمجد الدبيسي أمجد الدبيسي