فوق هام السحب ( الشعر الشعبي) على متن القوافي

لك الحمد ياربي على كل علم ٍزين
ولك الشكر ياربي على كل ما نكره

عسانا ياخالقنا فما تكتبه راضين
وعسانا من اللي يلهمه خالقه ذكره

وعساها ليا حانت موضين ومصلين
ونقول الشهادة لحظة النزع والسكرة

رفعنا يدينا ياعظيم العطا راجين
وشكرناك يامن قدّر الزود في شكره



شافي البيضاني

ما أحب الرفيق اللي يحب يتجمل فّي
أحب الرفيق اللي ماقد شفت معروفه

هذا ما أشعر بحريتي معه دامه حي
وذاك أشعر بحريتي كل ما أشوفه


حزمي بن سعد

الوقت قاسي وحظي مثل ريش الغراب
وبيض الصحايف (تبي منا) و (حنا نبي)

ثلثين بالي يصارع .. في جحيم العذاب
وما بين (دقني) اواعد هاجسي(وشنبي)

يارازق الطير في جحره ومنشئ السحاب
تزيح عني هموم(ن) .. انهكت .. منكبي
‎

.......

التجربه تعطيك نبذه عن الناس
وتحط في غفل المذاهب وسيمه

طبنا وبادلنا الوفاء طيب الراس
من طيب خاطر والنوايا سليمه

وطبنا مع اللي لا مبادي ولاساس
وجتنا العواقب بالنهايه وخيمه

من يرهن الذمه على بنك الافلاس
حطاب ليل ولايحوش الغنيمه


ضيف الله ابا العون

من لاتخيّر ف البشر زال هو حي
لامات ماله في مكانه تخير

اختر خوي الجنب وابعد عن العي
تراه في. لحضه علاك ايتغير

واهم منها. قبل لاتنزل. الحي
دور على جارً قبولً و. خيّر

يمناه تشبه. بالكرم. حاتم الطي
وإن ضاق صدرك رحت يمه مسيّر

حمود الجداعي

‏يـالله تـعفو عـن جميـع الـخطايــا
أنت العفو وأنت الكريم الحليمي

تـدمـح ليــا جيـنــا لبـابـك عرايــا
هبـنــا مـن الجنــة مـقـرٍّ كـريـمي

في يـوم تشخص به عيـون البرايــا
يـا ربّ جرنـا من عذاب الجحيمي


سعود نامي المقاطي

اللّي رصيد المراجل في حسابه صفر
يلحق على المرجله قدام تصعب عليه

المرجله راس مال اللي يبون الظّفر
واللّي يبيها بدون اتعاب تبّت يديه

بوجيه اهلها بشاشة طيب نور وسفر
كنّك ليا جيت احدهم من حدا والديه

‎
محسن المداريه

تفجر الصمت عقب الحاله القشرا
قنبة احاسيس توجع قانب الضاري

اجهز على الصبر قلبه واوقد الغمرا
غنا مع الليل وجزل الشعر سماري

كن فوح الاانفاس دلال وشفته تمرا
والراشف اللي قدع له العمس باري

انعش عروق ٍ دمرها الوله دمرا
من لمست الجيد حتى طرز زراري

‎
عبدالعزيز بن قالط

كثير البشر تطلع علاقاتهم .تمويه
الارواح غشّاشه والاعراق دسّاسه

فـ شخصٍ اذا طبت وحشمته يبيّن فيه
وشخصٍ اذا طبت وحشمته كبر راسه

ناصرالهاجري

الناس خيّم عليها البغض واعماها
اعيونها في غطا وقلوبها مرضــى

ياربي اقسـم لنفسـي منك تقـواها
وأقسملي من العمل والقول ماترضى

غالب ابو كتيفه