فوق هام السحب ( الشعر الشعبي) على متن القوافي

طويل المعنّق ضامره والحشا ملهوف
فلالا ردفها والهبايب تهب بها

معزّل نحيل الوسط جسمه صدر وردوف
نسيم الهوىٰ لا هبّ نوده يلين بها

تمايل بجسمٍ ينثني كنّه الغظروف
تلاعب خفيف النود وهوه يلاعبها

يتل العروق اللي تغذي صميم الجوف
بنظرة عيونٍ سحرها في .. مذانبها

نظرها عليها رمش والرمش يثر خوف
تخوف قلوب اهل المحبه وترهبها

يلوف الضماير بالهوى والمحبـة لـوف
وأنا الروح غيره مـاش شـي ٍ يناسبها


......

لفاني على طرق الغلا والهوا مرسال
وانا من شعور وحب واحساس لبيته

هلا مرحبا باللي على الذاكره ما زال
اتجدد غلاه الذاكره لا تناسيته

عن البال ما قد غاب واشغلت فيه البال
احس اني اشوفه كثر ما تهییته

شعور التفاؤل يجعل الحلم طيب فال
ياكم ذاق حلمي سكرة الموت واحييته


......

تطمن يا حبيبي و الغلا ما يقبل التخمين
لا تنشدني عن أسباب المحبه وانت خابرها

بعد سجلتها بـ اسمك و رسمك داخل القوسين
عسى القوسين عن نظرة عيون الناس تحصرها

صحيح قلوبنا ماهيب مصنوعه من الفلين
لكن ألين من الديباج الاملس في مشاعرها


......

تمشي بغنج وهي ولا همّها شي
والناس حطّتهم تحت مستواها

من زينها الفارق تقول الحلا لي
دلوعةٍ والله مكمل حلاها

ومن الدلع لاوقفت توقف شوي
تلفح شعرها لين يضفي وراها

ضامر خصر والعود وافي ومبري
وربي مزين وجهها مع قفاها

تقبل وتقفي ثم تقبل وتقفي
وتمايلت والأرض مالت معاها


......

جاتني توادع قلت بدري على وين
الليل طال وزان وقت السوالف

قالت وداعي ماهو ايام واسنين
بودعك طول الدهر ياموالف

قلت اصبري ياسيد كل المزايين
ماتذكرين الي مضى من تحالف

قبل ترد الدمع حول من العين
ثابت نظرها في عيوني ومالف

قالت يبوني لابن عمي مصرين
ومقدر انا لسلوم ربعي اخالف


......

المهره اللي فارقه بالزين من بد المهار
جموح طبع وما يروضهاا سوى خيالها

منها عيون الخيل لامرت من الهيبه اتغار
ثقيلة الممشى وتجمح لو تشوف اضلالها

من الحلا فيها كبر ومن الدلع فيها شقار
ومن الهدو فيها سحى ووان روحت في فالها

تلفح شعرها والهواء لا مرها ثم استدار
مثل الفتون الي ارقصت قدام ابيها وخالها

أصيلةٍ متسلسله من اصل ما فيها انحدار
معربه تغري النسب واهل الحسب بأفضالها

في ناصيتها كن للشمس ومباديها انكسار
وكن صوت حافرها مطر وغطى جالها

مهرة جمال ومن مرابط عز واسماءٍ كبار
اليا تـثـنـت كنها بين الخـيـول الحـالهـا

واليا مشت يطري عليك الهوش و حروب التتار
واليا وقفت تحفه تفهي الناس وهي إقبالها


......

سود العيون كبار والحسن تواق
يرسم تفاصيل الغنج في هدبها

في عينه النجلاء سواليف عشاق
تروي حكاية عشق محدٍ كتبها

لاسلهمت بعيونها القلب يشتاق
ويرقص على أنغام الوله من طربها


......

يا حبيبي والمحبّه مواطنها القلوب
والقلوب اليا تصافت يزيد اشعافها

والله ان حبّك سعاده وذنب من الذنوب
سكةٍ فيها الركايب يطول اوقافها

مايتوب القلب من حب خلّه مايتوب
لو تتوب الناس من حقها واعرافها


......

مساء الغلا المنقي من الشك والتزوير
مسااء الوفا ياروح روحن معذبها

غرامك وجور الوقت والبعد والتفكير
بدنيا العنا كيف اتحاشا مخالبها

اطرش لك اشواقي مع الشكر والتقدير
لون بسمة فوادي عنا الوقت ناهبها


......

ليه تزعلني وتحكم علي اني زعول
وانت تدري مستحيل ازعل الا من بلا

والعذر في بعض الاحيان مايلقى قبول
في وسع صدرً تحمل زعل لين امتلا

مشكلة غلطتك ماتقبل انصاف الحلول
والمصيبه لك معزه وتقدير وغلا


......