فوق هام السحب ( الشعر الشعبي) على متن القوافي

انا عايش في الارض جسم بليا روح
‏سبايب ظروفي جعل ربي يزينها

‏ترى والله انه ما يزيد الجروح جروح
‏الا من نشد عنها وهو داري عنها

......

‏الضيقة اللي منت عارف سببها
ومنها توارى عن عيون الرياجيل

كان الاطباء حايرة في طببها
ترا دواها سجدةٍ ف اخر الليل

‎عبدالرحمن القوس

‏باب السوالف يدخلونه ملايين
‏وباب الفعايل بس لاهل الفعايل

‏والعاقل الواعي منول وهالحين
‏يربط علومه بالحكم والدلايل

‏‌ صالح الناصر⁩

‏من يــدوّر للمشــاكل والكلام الفــاضي
‏بشّره يلقــاء بها قسمــه ويشبــع منها

‏عزتي لـه كانه بوضعــه ونفســه راضي
‏ويحسب العالم بترفعــها اليا طمّــنها

‏لايقول أن غلطتي بكره بتصبح ماضي
‏لا أحصلت ما عاد ينفع لو تراجع عنها

‏ ‌ عبدالله حمد⁩

لا صار صاحبك بين الرَيب والشِكّة
‏لا تعطي الأجودي قدرٍ ماهو قدره
‏
‏لو هو ضحك والسنون البيض مصطكّه
‏ماتامنه و الزمن ماينومن غدره
‏
‏وإن جيت فالموقف اللّي ما مِنْه فكّة
‏الله لا يحداك فوق الفزعة الودره
‏
‏أحدٍ ليا قلت تكفى يضرب السكّة
‏و أحدٍ ليا قلت له تكفى ضرب صدره
‏
‏‌ عيضه الثبيتي

تدري وش اللي لافقدته خساره
‏ماينتعوض لو رصيدك ملى ابنوك

‏اخوك لا منك هفيت بوقاره
‏وخاويتلك من نايد الناس صعلوك

‏مكسبك فالدنيا وساس التجاره
‏تراه اخوك ولا احد ايعوّض اخوك

‏مادامكم حيين خلك جواره
‏ماينفعك لامات لو فيه عزوك

‏ ‌ حراز البقمي⁩

الطلقة اللي بالظهر من ولد عّم
‏أنشهد إنها يافهد روعتني

‏حاولت أغطي جرحها واستر الدم
‏وأقول ثارت بالخطأ ماوجعتني

‏‌ زياد بن نحيت⁩

‏على الهون يا وقتٍ خذا كل راحة بال
‏عزاز النفوس لذلّها منت حاديها

‏ليا هانت العشره وجات القصار طوال
‏تموت الرجال بعزّها ..وبمباديها

‏ترى اللي تسوق إله الغرابيل فالفنجال
‏كبار الخطوب وهو صبي متقهويها

‏من إشتدّ عوده في معافر ردى الأحوال
‏بعد ما بلغ شدّه ماهو مبتلش فيها

‏فهد سفر

تغاضى وخلك سمح وابعد عن الواشين
‏ترا اهل الوشا دايم على النار وقاده

‏تعايش مع الافكار مابين زين وشين
‏وحذرا تحلل كل منطوق يزياده

‏ولاجل ماتعيش العمر كله مابين وبين
‏تجاهل ترا بعض الجهل نوعه عباده

‏يقولون لاتسمع سواليف ابووجهين
‏وانا اقول سور الصين من يقدر ابعاده

‏‌ نواف العضياني⁩

تـدور السنين وكـل عـود مكانه عود
‏عـلى مـانـبـت والاول يـورث الثاني
‏
‏هل الجود لوبيض الليالي تعود سود
‏مواثـيـر راع الطيب تبقى للازماني
‏
‏وعود الردا لوخالط الراك مامن فود
‏يعود عـلى مجناه طيـر ابن برماني
‏
‏هذاه الصحيح وكل بند عليه شهود
‏ولافيه عـود يشب من دون دخاني

‏
‏‌ نواف