ديوان قصائد لشعراء المملكة العربية السعودية (متجدد)☘️☘️

قصيدة الغزال مفرّع
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
78 مشاهدة

من عآدتي مآ احب انآظر وآجد

بالذآت لآصآر الغزآل مفرّع

القلب اخبره.. مآ بيجلس هآجد

اخضر وبآبه للجميل مشرّع

لكنّ حظي.. للقرآده سآجد

كنّه بحآلي يوم جيت إتبرّع

شفت الغزآل وشفت قلبي رآجد

ومن بعدهآ وْالنبض حيل اتسرّع

انا اشهد ان الحب بي اتوآجد

وكل المشآعر.. بالخفى تتضرّع

يآصآحبي يا من تنآظر وآجد

الله يعينك كآن شفت مفرّع

قصيدة الحظ والضيق
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
76 مشاهدة

لا احدٍ يسب الحظ لآصآر ضآيق

الحظ مآله ذنب في كل ضيقه

احيآناً الإنسآن لآصآر فآيق

يشب في قلب الحبيب الحريقه

لذآ عليك تشوف احلى الطرآيق

من قبل مآ تبدآ بأيّت طريقه

لو كل طآره طآحت بيد سآيق

مآ احدٍ تسبب بإصتدآم الخليقه

يامن بدربك ضعت بين الحقآيق

احتآج من عينك لنظرة حقيقه

ليه الطريق اللي سلكنآه عآيق

وحتى الكلآم اللي نقوله يعيقه

لو مآ حلآة الورد غير بحدآيق

انا اشوفك ورد يسوى الحديقه

طآلبك دآخل خآفق الحب وآيق

والله خلّك مآبعد بل ريقه

ان كنت ضآيق صآحبك حيل ضآيق

ومن لمسة إحسآسك تروح ألف ضيقه

قصيدة لاتزعج شياطيني
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
77 مشاهدة

يآسآري الليل لآ تخشى شيآطيني

مآ كل وآدي نسولف مع نسآنيسه

أشقيت عينك وصآرت تعبث بعيني

واخآف عقلك تزآحمني وسآويسه

خلّك على دينك وببقآ على ديني

وكلٍ يدآري عن الثآني أبآليسه

إن كآن خوفك تخمك سطوة إيديني

اللي معْه قمرته يطفي فوآنيسه

وإن كآن قصدك من الهمسآت تغويني

مآكل شآعر يعبّر عن احآسيسه

وإن كآن همّك تغنيني؟؟ فغنيني

كلٍ يُحآسب عن اللي في كرآريسه

يآسآري إسري.. ولآ تزعج شيآطيني

وآآآديك مآتطرب الخآفق نسآنيسه

قصيدة التطفل
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
76 مشاهدة

التطفل شي يزعجني كثير

والخصوصيّه تعيش برغبتي

لو جلست ولو وقفت ولو اسير

وش تبون بروحتي وبجيتي

يآ اولي الهرج المُطعّم بالسعير

خآفوا الله بالاكل من لحمتي

غرّني بآب احترآمي للكبير

وغرّكم طيبي وصآفي نيّتي

لآ تقولوآ صآر علمٍ مايصير

إتجآه الكذب مآهو وجهتي

مآملكتم مقتل الهم الصغير

كيف اكمّل في نعَشكم عيشتي

ومآ صفالي لآ انيس ولآ خشير

الغلط يمكن يُسمى غلطتي

انآ الذي اهديت للمآء الخرير

وانتم عطيتوآ للتلوث بيئتي

وانآ الذي اعطيت للرآحه حصير

وانتم حرمتم خآفقي من غفوتي

حتى طيوري مآتت بليّا نذير

وانكسر غصن الغلآ في وآحتي

ومن رحلت وانكشف وجه البشير

إتسع صدر الهدوء بوحدتي

ولو افكر جيت شر مستطير

لكن الحآله تهون بنظرتي

انعزآلي عنكم الحل الأخير

كيف لآ وانتم قتلتوآ طيبتي

يومه وعدني باللقا ليتني غبت

ولا شفت شيٍ يِتعب اللي يناظرْه

انا الذي في سالف الوقت ماهبت

الا قباله باللقا يوم اخاشرْه

ماكنت انا مجروح لا يوم انا طبت

اصعب شعور يمرني من محاجرْه

تزهر شفاته ورد وْمنّه تطيبت

لافاح من ريح السواليف عاطرْه

شربت فيه الوصف لاما تسربت

بين القصيد ولا ارتوت به مشاعرْه

من قصة الاسبوع وابداية السبت

انا خذيت من البدايات لآخرْه

لأجله ورى نفسي بشوقي تلاعبت

اغمض عيوني وبالوصل اسافرْه

وصدقني الموعد وانا فيه كذبت

وبيّحت دمعه لين ضاقة معابرْه

موعد يشتتني وانا له ترتبت

وبعثرت له عمري بشنطة مغادرْه

وقلت بشجن ليلي وياسيدي اذنبت

وقفا.. وانا ذنبه لك الله غافرْه

جيت بشبابي لين بموادعه شبت

لني لقيته شي ماني بخابرْه

قصيدة حليب امك بفمك
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
76 مشاهدة

ياصغيّر اصبر على طيشك

باقي حليب امك بفمك

من يدي لازم يجي عيشك

ولازم قبل نومك آظمك

بدري على طَلع تطنيشك

واخاف هالعالم تخمك

انصحك لاينفرد ريشك

بتبات ليلك على همك

واتعض اصابيع تشويشك

واتشم بُعدي وانا آشمك

اسمح لهالقلب تغشيشك

بتفوق من ضيقك وغمك

يارزق أتعبني تحويشك

والفكر متشتت يلمك

بآغمض عيوني وآعيشك

مدام هالقلب ماهمك

قصيدة لاجل خاطرك
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
75 مشاهدة

في خاطري علمٍ وفي خاطرك علم

وانا تركت اللي ابي لاجل خاطرك

قدّرني.. إترك ضيقتي داخل السلم

واوعدك في ماتطلبه ما اشاطرك

خلْني كما واقع ربا داخل الحلم

وخلْني سحابه بس لااا اشوف ماطرك

علمي حقيقه تفضح حكاية الفلم

وحقيقة علومك ورى ريح عاطرك

واللي تخبا.. ما يتخبى على الزلم

والوقت لو وقّفت.. ماهو بناطرك

بعثرني ولملمني من قبل لاتلم

اللي تناثر منْك بيدين فاطرك

في خاطري علمٍ وماوآصل علم

انت الذي تبغى.. يجي مابخاطرك

قصيدة غاب اتصاله
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
74 مشاهدة

غاب اتصال اللي خذا القلب وامسيت

اهوجس بطاريه واقول وش فيه

وش فيه ناسيني انا ويش سويت

مايدري اني عقبه بحالة التيه

مايدري اني حارقٍ شارع البيت

رايح وراجع كني شرطي وحاميه

مايدري اني من الغياب استجنيت

واصبحت اخيله واقفٍ ثم اناجيه

وآشيب عيني ما عرف حي او ميت

وآشيب عيني من يترجم معانيه

كني شرار وصالي الهم كبريت

انا احترقت ولكن ابيه وابيه

ابيه يعرف كيف بالصدر كنيت

لوعة رضيعٍ فاقد امه على ابيه

لايحسب اني من قصيدي تواسيت

مع كل حرفٍ تدمع عيون مغليه

وصار الحزن معناي لامن تغيت

ما كنت احسب اني على الغير اشاكيه

هذا الشعر جيته عقب ما ترديت

اشكي لاوزانه وتبكي قوافيه

واردها في داخلي واكتم البيت

اخاف مايقوى ويهدم مبانيه

وارجع واخطه واكربه بالعفاريت

واقول ياغايب.. يرد الصدى ليه

ليه انت ياشاكي بحزنك تماديت

واقول دعواتك وغيره ابلغيه

ما ابيك تتشرّه لصبري تعديت

ابيه يرجعلي وقلبي اهنيه

ياليت ما تكفي ولكن ياليت

ياليت انا ادري صاحبي بس وش فيه

قصيدة احتفال اليوم الوطني السعودي في الاردن
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
75 مشاهدة

على حب الوطن تكتب يدينا

قصيدٍ مابعد لاجله بدينا

الا ياكيف نبدا بالقصيده

وغلاه اكبر من ارض العالمينا

اذا بس الثرى يسوى الثريا

اجل وشلون يكتب به حدينا

ياموسى هالوطن نفسه غنيّه

ولايحتاج وصف المنصفينا

ولكن باحتفل دام احتفلتم

بدارٍ لاجلها بالعز جينا

على حب الوطن واللي سكنها

سلام ازكا من الوجه الحسينا

وهنا بالاردن الدار البهيّه

تجمعنا ووحدنا اليدينا

وكلٍ همّه يشرّف وطنّا

ولا يزعزع وفانا ابن اللذينا

سعودي والولا ايضاً سعودي

رفعت الراس اسلّم باليمينا

على كل الحضور وكل قلبٍ

لحب المملكه شرّف يبينا

نزيد مْن الفرح مليون فرحه

وحنا في محبته اهتنينا

وعيد المملكه هاليوم غالي

وغلاه يزيد روح المسلمينا

لان فيها الحرَمين الشريفه

ولا غير الشريعه تحتمينا

نهني بالولا صقر العروبه

ابو متعب ولامثله لقينا

حبيب الشعب محمود السجايا

يخاشر في غلاه الوالدينا

وولي العهْد سلطان الاكارم

نديم الخير والجنب المتينا

ولا انسى نايف النايف بدينه

هذاك اللي منوّر بالجبينا

ونهني بعضنا فاليوم هذا

لانه يوم مبروكٍ علينا

عسى ربي يديم الخير وامنْه

ولايفرّح قلوب الحاقدينا

تربينا على عز وكرامه

وعلى دين الشريعه استبينا

ولا نرضا ياحب الدار إلا

نحبك اكثر مْن اللي بغينا

انت الاب وانت الاخ وانته

صديق الضيق وحزام السنينا

انت البر وانت البحْر وايضاً

انت الجو وحنّا اللي اعتلينا

ياداري عزك الله بالديانه

وحبك في قلوب المؤمنيا

وكل عام انت يالدار بسلامه

وكل عام وغلاك يزيد فينا

وكل عام الولا يلبس جديده

وكل عام انت بالنبض الهوينا

ويحفظك الولي من كل شرٍ

ويزيدك حب ولا يغيّر علينا

اقول اللي يقول الزير سالم

عن ارضي لو وطوها الحاسدينا

فدوسي يابلادي فوق رأسي

اذا لم نجتمع كالدارعينا

وان دارت رحانا مع رحاهم

طحناهم وكنا الطاحنينا

قصيدة لا ترقع اللي صار
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
73 مشاهدة

لاترقع اللي صار في شي ماصار

ولاتاكلك سود النوايا بنيتك

اللي لعب بالنار تلعب به النآر

وانت الذي قد طحت في شرك حيلتك

لاتحسب اني ساكتٍ عنك محتار

ترى كلآمك شين وحتى طريقتك

وماتآقف البومه على وكر الاحرآر

ومايجالس الاشناب من جاب شينتك

خلّك على فآلك من يمين ليسآر

متخبطٍ والزين ما اظن يلفتك

ولاجاتك الشينه تشرّع لها الدآر

ويآآللأسف هذاي مدآهيل فكرتك

باستسمحك واللي معك صار قد صآر

لكن ترفق يوم تمشي بنيتك