ديوان قصائد لشعراء المملكة العربية السعودية (متجدد)☘️☘️

قصيدة لا ترقع اللي صار
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
74 مشاهدة

لاترقع اللي صار في شي ماصار

ولاتاكلك سود النوايا بنيتك

اللي لعب بالنار تلعب به النآر

وانت الذي قد طحت في شرك حيلتك

لاتحسب اني ساكتٍ عنك محتار

ترى كلآمك شين وحتى طريقتك

وماتآقف البومه على وكر الاحرآر

ومايجالس الاشناب من جاب شينتك

خلّك على فآلك من يمين ليسآر

متخبطٍ والزين ما اظن يلفتك

ولاجاتك الشينه تشرّع لها الدآر

ويآآللأسف هذاي مدآهيل فكرتك

باستسمحك واللي معك صار قد صآر

لكن ترفق يوم تمشي بنيتك

قصيدة الحظ والمقسوم
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
74 مشاهدة

انا والحظ والمقسوم ثلاثه مانبي رابع

بِلا منّه بِلا هيّا عشانك يالفتى مثابر

انا ما اتبع سوى فكري وفكري لجلي متابع

دروب العز.. والعزّه تبرهن حجّة العابر

ولا اتطبع طبوع الوقت واترك للزمن طابع

افضّل عيشة المحروم ولا بالذلّه مكابر

تعلمني ضروف الليل ماجي للسته السابع

ولا اقاسم رغيف الفيّ عدوي لو هو بشابر

انا من جوع وجه النور طلعت بفرحة الشابع

لأني عشت بشعاعه وعن مايستره خابر

اذا عقلي رمى شماغه ضميري فوقه القابع

تفرعنت بقسى دنيا بر ورمضه وغابر

تجن جنون شيطنتي على نبعٍ جفى نابع

ولا اخشى عراقيل البشر لو دوم تتزابر

ابد ماتعرف القطوه دروب السبع وتتسابع

تموت بما عليه تعيش ولا لعضامها قابر

انا والحظ والمقسوم رفظنا لقمة الرابع

اموت ولا تجي منّه.. بكبدي ما حدٍ ثابر

قصيدة صوت الانين
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
73 مشاهدة

من بعد ما ازعجت بهمومي اقلام

جيتي على صوت الانين بقصيدي

ايه انطبع حزني على وجه الايام

ايه انمحى صوتي ويبّس وريدي

ايه افرحي ماتت من سنيني احلام

ايه اطربي.. صار العزا يوم عيدي

من وين ابلقى لدربي الاول اقدام

وانا طلعت مْن الزمان السعيدي

حاول امشّيها قبل طيح الاعلام

لكن كتب ربك بتحكيم قيدي

خلاص مادام النوايا للاوهام

الصوت في حرب المشاعر شهيدي

ياهمي اللي يفضحك حبر الاقلام

باكر تموت والبقا في قصيدي

قصيدة مفاهيم الغرام
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
73 مشاهدة

ياقلب لاتغرّك مفاهيم الغرآم

شوفني مرّيت درب التآيهين

كنت عآبر بس مآشفت السلآم

وآآآه يآمتعَب عيون الصآبرين

يآشقآهم يآعنآهم يآحرآم

صدق من قال الحبآيب حآلمين

كم شكآ غصنٍ من يدين الحمآم

وكم حمآمه مآلقت حتى اليدين

لو يقولون الغرآم آخر كلآم

المدآمع تحت جفن العآشقين

المهم تبعد عن دروب الحرآم

مآندم من خآف رب العآلمين

عيش صآفي نبض مآتلقى الملآم

وحب.. لكن لآتحب العآبثين

في طريق الدين لآتخشى الهيآم

واسق من تهوآه من حبل الوتين

كون غير المُوهمين اهل النآم

هم غلآهم مآتعدا ليلتين

وانت لو تمشي على نهج الكِرآم

الحيآه تعيشهآ في رآحتين

السنين المقبله فيهآ كلآآم

وآآآه لو تدري عن السر الدفين

الغرآم الله يآ محلآ الغرآم

والله يامقسى دروب التآيهين

قصيدة نغمة الموبايل
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
72 مشاهدة

يا ذالموبايل غايتي صوت نغمتك

النغمه اللي خصصت للمحبين

كل الشعور تفز في وقت رنتك

وتكثر سموعي لوّهي بس ثنتين

ومع موجة الارسال تنساق رقتك

يامن هواك القلب والفكر والعين

ونغمة عبادي قالت بروح دقتك

طال السكوت وهو متى بس تحنين

وسكت غرامي ماتبي غير سكتك

السكه اللي ماتعدت على الدين

واللي انعقد من هاجسي فيك مفتك

وعلمن حصلي في مسا يوم الاثنين

في موعدك والساعه تقول تك تك

تصرخ تصيح بكل شوقي على حين

الصوت في قلبي وشوقي بشوفتك

وهذا انتظارك ماعرف لحظة اللين

وانا اخايل شوفتك مع اناقتك

صعب اتحمل هم مع حالة البين

غبتي وجاني الطيف دخان عفتك

وتشكلوا في بالي الناس والدين

وعقلي خذا فنجال من ثقل دلتك

يامن يعوض غيبتك مين ويامين

واقول لامني ذكرتك بهمستك

يا ذالموبايل نغمتك حسها زين

قصيدة ضحكة بكا
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
71 مشاهدة

بشكي ولكن شكوتي تشتكي لمين

او مين يسمع يالحظوظ المريره

البآرحه والنوم مآخآشر العين

والعين.. عين اللي مجآفي حصيره

تذرف اسا.. تذرف بدآية برآكين

وتشرح ضروف اللي مضيّع عشيره

حآله غريبه مآتهم المجآنين

ومثل الفرح.. بكبود نآسٍ حقيره

كأنهآ دمعه.. بخد السلآطين

والا كمآ ضحكة بُكآ من فقيره

يآنآس.. دلوني على ديرة الزين

اللي بدونه كن ماني بديره

يآنآس.. أبي لايآم عمري عنآوين

يآنآس.. ابي بحْر الهوى او غديره

أو اي شي يجمع قلوب المُحبين

يآنآس ابيه ولآ ابي شخص غيره

نآديت.. مآبه من يجيب المنآدين

نآديت.. بس مآفيه للزين سيره

وشكيت.. لين النآس من عآم شآكين

وكلٍ يبي ديره.. ويبغا اميره

قصيدة صمت المقابر
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
69 مشاهدة

صمت المقابر شيٍ اقسى من الموتوالموت كلّه لو نشوف المقآبر

الدور وآصلنا كما زر ريموت

واسرع بعد بكثير والكل خآبر

هذآ انآ بالبيت وبآكر بتآبوت

واللي يقول الله! ماعنْه دآبر

صحيح يونس كآن في دآخل الحوت

لكن على الله كآن حاله وصآبر

وحنا قضينا الليل هيصه وبيلوت

ونِلحق ورى الكذبآت كذب المحآبر

باكر علينا تشهد العين والصوت

وتشهد يدينا بيوم فيه انتزآبر

ونْجوع ولانلقى سوى اعمالنا قوت

ويآآآما تفوّت اجر لاجل المكآبر

ان ما لحقنا الوقت من قبل لايفوت

نبكي ولايفيد البكآ بكسب غآبر

مالله خلقنا لاجر ترنيمة التوت

ولاهو على شآن انتحدا المنآبر

يااابخت من له داخل الجنه بيوت

والدين يفتح له بقلبه معآبر

اللي بقوله قبل لايآصل الموت

الكل في هذا الزمن شخص عآبر

قصيدة المعمّره القذافيه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
72 مشاهدة

ياغايبه فكري بعدكم حافي

والهم صاير فوق دمعي نقه

اتعبتي اللي مالقاله وافي

مثلك وذاق مْن الليالي دقه

بينك وبين معمّر القذافي

تشابهٍ بالشارع وبالزنقه

لايعجبك.. باكر يجي له سافي

والشعب رعده يجتمع مع برقه

صحيح ثرت ولاعلي لحافي

لكن خفوقي مايخلي حقه

خلي العلاقه.. ياعسل ياصافي

حتى ضما قلبك اجيله سقه

ولاتهدديني وانتي حيل تخافي

بترول وصلك ماترده طفقه

هاتي عيونك بالكلام الشافي

واخذي امير الحُب واخذي رقه

كافي غياب.. الخافي ماهو خافي

مع وسعة الغربه تضيق الشقه

قصيدة ضيق رجال
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
71 مشاهدة

ياليل وقف واسمع الهرج ياليل

متى على الله نلتقي براحة البال

كنت احسب ان الوضع يحتاج تعديل

وعدلت من بعض المفاهيم بالحال

لكن حلاة الفارس يداعب الخيل

ويشوف نفسه بين هالناس خيال

وانا عيوني ترجي المزن وتخيل

واسلي الخاطر بقول الهنا سال

واللي رضا عن واقع العز تبديل

هذاك حده عالم القيل والقال

ولاقد صغيت ان قيل بالنفس ماقيل

اشوم عن حكي المطافيق الانذال

مره كلامي ينوخذ كذبة ابريل

ومره يقولوا الصدق جانا ويختال

صبحٍ حظنه الليل وغطاه منديل

وكل الشدايد صارت بيومه اهزال

وماتهتني ياكود روس المهابيل

ماتدري فبعض العرب كيف تحتال

ولاقلت هانت وانتظر خيرنا يسيل

سحابة الوادي على حد غربال

يعني كذا من ميل في ميل في ميل

واللي يبي حلي على كل الاحوال

في ركعتين تسجل الاجر تسجيل

اخير من دنيا بها يضيق رجال

قصيدة مصر الجديده
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
71 مشاهدة

لاوالله إلا حقق الحظ سلمى

لقيتها في وسط مصر الجديده

فيها برودٍ يجعل الكون يحمى

ومنها الكلام ان غازلت به قصيده

ان ناظرت يتفرعن الكل.. اما

ان صدت الامير يرثي عبيده

سلمى فؤادي منه ماهي بسلمى

ولاني بعد سالم بشوف الرغيده

اقتل قصيدي لو عن الزين يكمى

هي القصيد وهيّ ايظاً فريده

الحرف نفسه لالفت فيه يسما

والحبر يبدا في تباهيه عيده

كل ما ارتوى يضمى ويروى ويضمى

ويذوب دفتر بالقصايد وليده

اقدمت في خطوة فكر ماتسمى

واحتر واقف بيد فرصه اكيده

ان قلت اخلي طرحة الحكي تُرمى

تبعد بي العاده ونهج العقيده

واقفيت كني ماشي الدرب اعمى

عصبٍ شعوري ماسكه مع وريده

النور في دربي ولو تهت ظلمى

وصار اللقا وسط الجفى والقصيده

وان جت على سلمى تغور ألف سلمى

والله يسامح كل مصر الجديده