فوق هام السحب ( الشعر الشعبي) على متن القوافي

على جمر الامل دفي ظلوعي
وحاول جاهدا لملم شتاتي

صحيح احيان تفضحني دموعي
تذكرني باقساء ذكرياتي

وبعض احيان تشغلني قضايا
وهي في الاصل ماتسوى حذاتي

ولكني تهرب من همومي
مخافة يقتل اليأس امنياتي

يموت الجود بعض احيان فجئه
على باب العطايا والهباتي

وليس الحق ماقالوه عني
كلام الحق ماجاء في قناتي

يقولون احترم وجهة نظرنا
وانا قول انظرو في منجزاتي

نبات الناس مالي فيه حاجه
ولابسمح لحد يجني نباتي

ولاباحد يعيرني بشاته
ابوقي بحلبه من ضرع شاتي

ومن قدم معي خدمه خدمته
ولو بعمل معه مجهود ذاتي

ولاباخون في عهدا قطعته
على نفسي ولاهي من صفاتي

ومن اول حياتي كنت صالح
ولا بعطل على اخر حياتي

......

في غيبتك تثقل علي الدقايق
والوقت مع غيرك ماعاد ينطاق.

ربطتني ما بين عهد ووثايق
وخليتني بس للقصايد والأوراق

واليوم أقولك دون كل الخلايق:
ماعيني لغيرك من الناس تشتاق

......

جيتِك وانا كُـُلِي من الحُـب اشواق
ليتِك تلبي اليوم ماجِيت لاجله

جيتِك وانا لي قـلب عاشـق وذواق
ماقد لقيت يابنت او شفت مثله

جيتِك وانا لي قلب هايم ومشتاق
والكل يعرف عن شعوري وشكله

جيِتك وانا لي قلب شامخ وعملاق
ساكن وسْط صدري وفارض محله

جيِتك وانا لي قلب يابنت مُنساق
وانتي الذي نحوك طلبني بنقله

جيِتك وانا لي قلب طيب واخلاق
كم ياقلوب صارت تِحـلم بوصله

......

تبي تعرفين الاشيا في غيابك باي حال تصير؟
‏وتبدا بالتحول " من - الى " من لحظة غيابك

‏يغيب من الشجر معنى الأمان اللي يحس الطير
‏يجف الصبح لين تشوف فيه الليل متشابك

‏يرد البَحْر موجه في ملل خالي من التعبير
‏ترك ملحه يطيش بساحله يتخيّل ترابك

‏يضيق الشارع اكثر من عذر عاشق على التقصير
‏وكان اوسع من الليل الطويل الساكن اهدابك

‏انا ؟! خلي أنا هالحين ما القى لها تفسير
‏ولا وقت ومكان الا أموتك وارجع أحيا بك

‏لعلي بعدها تجمع عيوني بعض هذا الغير
‏او المح في شقوق الغيب عن معناي بغيابك

......
‏

قالو علام القلب متولعن فيه
‏دور لعل القلب يلقى بداله

‏قلت العفو ماهو على كيف راعيه
‏لو الغلا بالكيف قلنا حلاله

......

عليك العتب يا صانع النت والارسال
فقـدنا رسايل ناس ياحـي طاريـهم

فقدنا سلام ومرحبـا وكيـف الحال
وفقدنا العتب من ناس دوم نغليهم

......

نعم نستحي نحزن لو الحزن فينا بآن
و لكن غصِب بعض الليالي تبكّينا

كبرنا على الحزن و كبرنا على الكتمان
و لا عادت جيوب المكابَر تكفّينا

......

طرقتُ باب الرجا والناس قد رقدوا
‏وبتُ أشكو إلى مولاي ما أجدُ

‏وقُلت يا أملي في كل نائبةٍ
‏ومن عليهِ لكشف الضر أعتمدُ

‏أشكو إليك أمورًا أنت تعلمها
‏مالي على حملها صبر ولا جلدُ

‏وقد مددت يدي بالذل مبتهلًا
‏إليك ياخير من مُدت إليه يدُ

‏فلا ترُدّنها يا رب خائبةً
‏فبحر جودكَ يروي كل من يردُ

......

القلــب دولــه والمشاعـــــر عساكر
والحـــــب غـازي كل دولــه ومحتل

اذا غـــزاء للقلــــب حاذق وماكر
يتمــلك السلطــه بقــــــوه ويحتل

القلب تحت امــره يطيـــع الاوامر
والجيــش مايملي له الحب يفعل

والعقل مثل الشعب بالحب ساكر
يفقد نظامـه فـي المحبـه ويختل

......

‏امست جميع الاوادم والجريح امسى
‏يسامر الليل والاشواق وحداني

‏من يحسب ان الهوى له مركب ومرسى
‏ترى المحبه عذاب و عالمٍ ثاني

‏يا متابعي الوقت لو يجرح ولو يقسى
‏انا ما احب اكسر الخطّر ولا اداني

‏ولو اني انسى جميع الناس كيف انسى
‏اللي حلف ما يخليني وخلاني

.....