ديوان قصائد لشعراء المملكة العربية السعودية (متجدد)☘️☘️

قصيدة كيف أرضيك
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
364 مشاهدة

كيف أرضيك!.. وكل ما فيك..
يعاف اللي يجي مني
ولا تسأل أبد عني
مهما أغليك!
***
كيف أرضيك!.. وكل ما فيك..
نسى أيامنا الحلوة
وقابل حبي بالقسوة
ولا بينت لك حالي
وقلت "الغالي للغالي"
عسى في يوم يصفى لي
***
بحاول قدّ ما أقدر..
حبيبي لأجلك أتصبّر
ولأجلك أرضى بالمقسوم
ورغم الجرح، أحبك دوم
ولو احتجت لي في يوم..
أنا لا يمكن اتأخر
أبد لا يمكن اتأخر

قصيدة لو لا وجودك
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
263 مشاهدة

غريب! إحساسي غريب!
رهبة وضحكة وارتباك
كأنّي في أوّل لقاء..
أجيك وأتكلّم معاك
صحيح ما عندي الكثير
بس الأمل يبقى كبير
يرسم جديدي في الأخير..
بسمة على وجه الملاك
في خاطري مرّيت
كتبت لك كم بيت
ومع أجمل الأنغام..
من قلبي لك غنّيت
يا ليت كلّ الناس تدري..
ذي غنوتك من قلب صادق
وإحساسنا لا بدّ يسري..
بالروح من عاشق لعاشق
ويا ليت كلّ الناس تسأل
كيف الحياة تكون أجمل..
لولا وجودك أنت فيها..
كتبتها بالمختصر
المعذرة.. أنا بشر!
في حضرتك مجبور أضيع..
وأنسى تفاصيل وصور
كانت عيونك ليل، ليل؟
والا عيونك من عسل؟
مدري، بس أذكر حيل، حيل..
فيها جمالٍ ما له حلّ!
ناسي التقينا كيف
ليلة شتاء أو صيف؟
بس كان أصدق حبّ..
في وقت كلّه زيف
يا ليت كلّ الناس تدري..
ذي غنوتك من قلب صادق
وإحساسنا لا بدّ يسري..
بالروح من عاشق لعاشق
ويا ليت كلّ الناس تسأل
كيف الحياة تكون أجمل..
لولا وجودك أنت فيها

قصيدة ما يحك جلدك مثل ظفرك
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
256 مشاهدة

اعتزمت أبدأ حياتي من جديد

يكفي ما فات وْ تعدّاني وشرد

العمر يمضي ولا كنت السعيد

لازم أحيا اللي بقى منْه بْسعد

بركب بْحور الأمل وأبدأ أصيد

ما يحك جلدك مثل ظفرك أبد

راح أصيد الدرّ واللولو الفريد

لا متى آخذ من الغير الزبد؟

من تمنّى ما ينال اللي يريد

لين ياخذْه بْيده مثل الأسد

راح أخلي الهمّ عبد مْن العبيد

يا ما عذّبني سنينٍ ما تعد

لين خلاّني كما هشّ الجريد

تكسره نسمه وتقفي وتبتعد

راح أكسّر حظّي القاسي العنيد

يا ما عاندني وقال الا بعد

مهما عاندني بنال أقصى المفيد

واشهدي عهدي ووعدي يا بلد

قصيدة الخوف من باكر
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
250 مشاهدة

الخوف من باكر سرق لذة اليوم

ولا قدرنا نمنع اللي نخافه

نطول التفكير والرزق مقسوم

ضاع العمر بين الرجا والحسافة

الوقت ما يوقف ولو عشت مظلوم

والظلم الأكبر في العتب والكلافة

تلوم كلّ الناس وش فادك اللوم!

السمْح، راعي الطيب محدٍ يعافه

قلوبنا خضرا على فطرة القوم

الين سهم الحب يرمي شغافه

لا تقول أحب وتشتكي قلة النوم

الحب دايم لوعته في اكتشافه

عن الخطأ يا صاحبي منت معصوم

لكنّ جلد الذات لا شكّ آفة

خلّ الرضى لك منت بالغير ملزوم

ذي سنّة الله في الزمن واختلافه

قصيدة لا تلومني
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
250 مشاهدة

لا تلومني يوم اندفع لك محبّة

ما تسمع اللي فيك يصرخ بصدري!

لو كان هذا الحب نزوة وهبّة

ما بحت بإحساسي وسلمتك أمري

لا تلومني، حسنك بحر من يطبّه..

تلعب به أمواج الفتن وأنت تدري

من وين له منجى سوى لطف ربّه!

الناس معذورة ولا شفت عذري!

ليه أخفي إحساسي عن اللي أحبّه؟

أصبر إلين تقول ما عاد بدري!

مير الصراحة كاس دايم نذبّه

نستعذب التمثيل والثقل يغري

مديت لك جسر الهوى، لا تشبّه

لا تزيدني خيبة أمل فوق صبري

ارحم خفوقك واترك اللي لعب به..

وأعوضك عن ما مضى طول عمري

قصيدة خيرك وخيرك
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
240 مشاهدة

كلمتهم عنّك وما صدّقوني

هم يحسبونك عابِرة مثل غيرك

ما ألومهم لو كلّهم كذّبوني

ما شافوا أوصافك وشمّوا عبيرك

وضحكاتك اللي هي سبايب جنوني

وأسلوبك اللي به مَلَكتي عشيرك

وإن كذّبوني، ما أكذّب عيوني

من يلمحك يصبح بطوعه أسيرك

وكم غيرهم ما ودّهم يرحموني

ما فارقوا ظِلّك ولمعة حريرك

عليك كم طال النظر واغضبوني

ومن حيرتي في غيرتي استشيرك

استكثروا حبك علي وحسدوني

قالوا مصيري ما يجي مع مصيرك

ما تاقف العذّال دونك ودوني

ما دمت حبيتك بخيرك وخيرك

قصيدة عيونك الحلوة
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
234 مشاهدة

عيونك الحلوة حبيبي وممنون

حتى الكلام العذب تعرف تنقّيه

إن كان خِلّك مثل ما قلت مزيون

ترى وجودك في حياته محلّيه

تدري جمالك حيل طاغي وموزون

يفزّ لك قلبي إذا قلت لبّيه

ولا منه جا طاريك دايم يقولون

مكارم الأخلاق متمثلة فيه

ما تنكر المعروف لو هو صغيرون

وافي وفيك الخير وتصون راعيه

وش منوة الإنسان في كلّ هالكون

غير امتنان اللي يحبه ويغليه!

لا تزعل
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
216 مشاهدة

لا تزعل
حرام تعذب الإحساس
وش فيها إذا فارقك أحب الناس
لا تزعل
تعلم.. واللي فاتك مات
ترى الأرض بتدور ولو جلدت الذات
لا تزعل
تمنى الخير له وإرحل
هذا الحب.. وهو هذا الوفا الأجمل
علامك من رحل خلك.. شغلت الليل والتفكير
إذا يحبك.. تراه يقاسمك بالاه
وإذا يكرهك.. ما في حب بالإكراه
على الحالين حب وكره
مكتوب الفراق يصير
دوام الحال هو أكبر محال
يموت الحب.. مهما طال
يموت الحزن.. مهما طال
لا تزعل
تمنى الخير له وإرحل
هذا الحب.. وهو هذا الوفا الأجمل
إذا بأسبابك بالفرقا.. ترى الفرقا جزا يكفي
وإذا أخطيت.. إتفادى الخطا باكر
وراعي شعور خلك لماً تعاشر
وإذا مجروح وجرّحته
أكيد إن الزمن يشفي
دوام الحال هو أكبر محال
يموت الحب.. مهما طال
يموت الحزن.. مهما طال
لا تزعل
تمنى الخير له وإرحل
هذا الحب.. وهو هذا الوفا الأجمل

قصيدة اللي هجرته
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
212 مشاهدة

اللي هجرته وفارقته بقلبٍ صَبّ

يا ما جرى الحبّ في دمّي وفي دمّه

من بعد عمرٍ لقيته صدفةٍ بالدرب

ونصدّ ما كنّ أحد يمّي ولا يَمّه

ابسأله، وش جنى زرع الغدِر والكذب

وش نال من كثر غربالي بلا ذِمّة!

لو ما تمادى، أبد ما مات فينا الحبّ

وما كان أحد بات عقب الوصل في غمّة

أبشره زانت الدنيا، صفَت للشرب

والعمر قدّامي أزهر طاب لي شَمّه

عوَّضني الله بخلاّنٍ طيور بْسرب

دايم على قلب واحد، دايم بْلمّة

معاشرتهم تردّ العافية للقلب

أهلي وربعي، عيال العمّ والعمّة

أهل الوفا، درع في يمناك وقت الكَرب

والهمّ لو طال أحدنا خفَّفوا همّه

اللي هجرته، أحسّه ضاق منّي غصب

وأقول تبغى الصدِق وإلا ولد عمّه؟

لا شكّ من يخلص النيّة ينال الصعب

ومن يغدر بْصاحبَه يموت في سُمّه

قصيدة أودعك
الشاعر: سطام بن أحمد الحرابي سطام بن أحمد الحرابي
#العصر الحديث
#المملكة العربية السعودية
0
199 مشاهدة

جيت المكان اللي جمَعنا على الحبّ

أوّدعك حتى ولو منت موجود

أواجه إحساسٍ ثقيلٍ على القلب

وأكسر وراك اللي بقى بي من قْيود

ذنبي هويتك صدق إن كان لي ذنب

ظنّيت بك خيرٍ وظنّيت بك زود

يا ليتني بس كنت أقوى على الكذب

ولا بحت لك ما في ضلوعي من سْدود

برحل وأقول فْراقنا وإن غدى صعب..

مسامحك جرحي ولا في العتب فود

وببتسم لا مرّ طيفك على الدرب

وأستنشق الذكرى كما طيّب العود