فوق هام السحب ( الشعر الشعبي) على متن القوافي

سبحانه اللي يزرع بذور المحبة فالقلوب
‏واليا عطى عبده قبول الناس جاته مقبلة

‏ بعض الآوادم تقبله لو فيه شي من العيوب
‏ وبعض الآوادم لو تحاول تقبله ما تقبله

......

‏ياويل قلبي منك ياكثر مغليك
اغلى من الدنيا ثراها وسماها

ياويل قلبي منك لأحل طاريك
نفسي وهي نفسي تشك بغلاها

انسى اسامي الناس واغلط واناديك
قلبي معك وكل الأسامي نساها

......

على الطريق اللي نهاياته بدايات انطلاق
‏يبدا الخيال يعيش جوه والقديم يجدده

‏خلوني اخذ راحتي وارتاح من ضيق الخناق
‏محتاج لي سجّه تعيد الراحه المستبعده

......

ليه المساء عوق الشقاوي وطبه
وليه الهبوب تصحي القلب لا بات

وليه القمر يدعي جريح المحبة
ويقول له ياهيه ما فات ما مات

جرحك ظهر لو قلت للوجه خبّه
وللحزن في ضحكك رسوم وعلامات

وليه المطر بالذات ريحه وصبه
كنه رسول بين الأحباب بالذات

اشتاق فيه لشوفتك واتنبه
للي نسيته من مواقف ونظرات

......

لا تكــره الدنيـــا ولا تلعــــن الناس
لِ آلحين فيها ناس مثلك نظيفة

و كانك تفكر وين تقدير الاحساس
غيرك يفكر وين ياكل رغيفه

بقلمي

الزين كلن يعـشقُه ويتـمـناه
بالذات لا من خالط الزين طيبه

الوجه روعه والوسامه تغشاه
والروح حلوة يا صفات الحبيبه

......

‏لا تقيس المحبة في وصوف الكلام
‏قيسها في عيوني لا احضنت طلتك

‏تحكي الحب وشعور الفرح والسلام
‏لو تناظرك طول العمر ما ملتك

......

يَ آلله على بآبك يآ فتآح الأبواب
‏مآفيه غيرك يقصد آلعبد بآبه

‏إن رآح رزق حاسبين له حساب
‏يآ الله برزق ما حسبنآ حسآبه

‏......

‏أعطّرك من فيض شـــعري وأغنّيك
‏وأنسَى مع شـــوفتك باقي همومي

وأمُد لك فنجال عشـــقي وأخلّيك
‏تصرخ بعالِ الصّوت ضاعت علومي

......

طاب السهر حتى ولو كنت غايب
‏انا وشعري مع طيوفك سهارى

‏جميعنا في حضرة الطيف ذايب
‏لو طال فينا الليل فيه نتدارى

......