فوق هام السحب ( الشعر الشعبي) على متن القوافي

عيـن بـلا شوفـك تسمـى يتيمـه
وسمع بلا صوتك ترى فيه نقصـان

والصبر فـي بعدك ضيـاع وهزيمه
لـو اكسب العالـم وافقدك خسران

......

يقول منهو على صوت الغناء غنا
على الذي درات الافكار من شانه

ياشوق طبع الوفاء منكم وهو منا
تبقى الاساليب مقبولة وفنـــــــانه

حنا على العهد لا خنتم ولا خنـــا
ولا نطيع الذي فالحب خـــــــــوانه

مادام حنا بصحبتكم تماكنـّــــــا
فالقلب يازين لا تكثربه اشجــانه

يازين عنا على درب الهوى عنأ
لا تحرم النفس دام النفس شفقانه

ترنا على عهدكم باقي كما كنـــا
مازال شوق الهوى فينا وتحنــــانه

......

‏ما يعـيش الحب الا بـ اهتمام
ومايموت الا من احساسٍ فقيـر

أصدق العـشّاق ما يعرف ينـام
وأقبـح العـشّاق مايعطي كثيـر

......

لا تغرك ظنون الطيب فـ اول مواجه
المقادير تفجع والهقاوي غشيشه

يوم للخيل في سوق المنايا عجاجه
مايسرّ اشجع الشجعان سرج الكديشه

ينقل الحمل هرشٍ في رقبته عواجه
وابرق الريش ماردّه من الموت ريشه

خل قلبك جسور وواجه اللي تواجه
مامع الذل عز ومامع الذل عيشه

......

من شـد على يدك حـذاري تخليه
ولو فلتـوه النـاس حـطـه بقلبـك

ولو طال وقتك إحذر إنك تعاديه
ولا تجحد المعروف ان خفت ربك

الشخص يسقط حين تسقط مباديه
وأنته تـأكد من طـريقك ودربـك

مش لجل تعند وأنت غلطان تمشيه
إحسب حسابك بين شرقك وغـربك

واختار لك بين البشر من تخاويه
تلقاه في ضيقك وسلمك وحربك

......

‏يا مايس القد ما يستاهلك غيري
لو خلفك الناس مفتونة و منجنه

ضحك لي الوقت بعدك ضحك هستيري
و انـا مـن اول يا دوب المـح طـرف سنـه

يحتاج لـ الزين هذا موكب اميري
يراقـب اخطـاه و يداريـه و يحنّـه

كل الوجيه ابتسامتها عمل خيري
وانت ابتسامة ثغْرك تدّخل الجنة

......

ياسيّد الليل لا غابت مصابيحه
يمَّل بك انك على الهقوه ويمَّل بي

و الحب ما جض منه الا مجاريحه
اللي هواهم عفيف وحظهم سلبي

قد تبت منه وردّتني ملاويحه
وانا على جرف وادنى مايميّل بي

الله معك وان حداك الوقت للطيحه
تحد كل الظروف وطح على قلبي

......

بنك المحبه لك على طول مديون
لو زاد صرفك مايخلص رصيدك

انتي الذي يفداك ماملك بها لكون
وانتي الوحيده اللي قلبي يريدك

......

تنامت الغيره وفكت على الشك باب
وإستوطن الضيق في عينك ياعين الظبي

يا وجهها إلي لبسك الحزن لبس الثياب
قلي وش الحزن في ذيك الملامح يبي

لو الحزن يستحي من وجهها كان تاب
الحزن مايدري إن شكله عليها غبي

وإن دمعها لو يطيح تطيح دونه رقاب
ومايدري ان قلبها وصى عليه النبي

......

الجسم وصفه وصف حدث لا حرج
تقسيمته بعطيك وصف فصولها

الخصر تقويسه قسمها بين وبين
تحيرك شيً لها وما هو لها

الخصر ضامر والشبّع فوق وتحت
تقدر من اوسطها تجي وتغولها

والردف من ثقله غدابه اختلال
يرقص طرب لو كان ما غنولها

......