فوق هام السحب ( الشعر الشعبي) على متن القوافي

ليت المجالس ما اتعدا ثلاثه
كريم وسنافي وراعي حميّا

وياليتها تفقد وجيييه الخباثه
حسود ومنافق وراعي قفيّا


......

مايطرح الإنسان ويهد حيله
إلا شعور اليأس لامن تولاه

خل الهموم تقول مافيك حيلة
تلقاك دايم محسن الظن بالله


عبدالله الطلحي

حط القدم من فوق روس الافاعي
وعمرً بليـــا عز وش ينبغابه

واللي رضى بالهون عمره ضياعي
ان عاش ولامات محدً درابه


تركي العريدي

حافظ على اللي ينفعك في حياتك
وأحرص على اللي بعدموتك يفيدك

تراء السعاده في حياتك صلاتك
والحسنه اللي سجلت في رصيدك

زوّد رصيدك قبل تعلن وفاتك
الموت لو طال الزمن في وريدك

وخل التواضع والوفاء من صفاتك
أبليس لا يضحك عليك ويصيدك


......

كبـار البـلاوي تبتلي والزمـول تـشيل
عـوايد ومـن له وقـفـةٍ مـا يـخـلـيها

اليا شبّها الجاهل وبلشو بها العقّيل
فـرجها على الله والله اللي يـسويـها


......

ترا من يغرّك مظهره ينكشف خافيه
سرابٍ ضحاضيحه على البعد كذّابه

يجي عند ظنّك واحدٍ ماهقيته فيه
ويخيب الرجا فـ اللي منوّل تهقوابه


هزاع الغميسي

من عـاف وصلي جا يـدور وصالي
غـره زمـانه واعـذب الشعر بحينه

لا طاح من عين الغلا شخص غالي
والله ما يرجع لو فقــد شوف عينه


عبدالعزيز بن قالط

‎

عديتهم واجد من الجزل للعيص
عرفـي لهم خلاني غصب اتوجه

الخوة الذربه للاصحاب ترصيص
كم صاحب ٍ يطربك لو فيه رجه


عبدالعزيز بن قالط

‎

اثر المواقف فحصً دايم للأصحاب
تعطيك عن صاحبك تقرير كامل

اما صحيبً صحبته ضحكة الناب
ولا صحيبً فالمواقيف صامل


مشعل عيد البقمي

انا لو بغيتك كان كلّك ثمان حروف
لكن تالي اسمك ردني منك يا فرقا

اداري خواطر روس قوم تحب النوف
على شان سمعتهم على المعتلي ترقا


......