فوق هام السحب ( الشعر الشعبي) على متن القوافي

‏الله اللي حط في قلبي غلاك
والله اللي ميزك دون البشر

لو طلبت العمر ياعمري فداك
انت بس اطلب ويفداك العمر

......

‏اَعط الحزن حقّه مدام إنّ له حق
‏ماهو مقفّي عنْك من دون حقّه

‏اِحزن وإذا حسّيت في ضيقتك ضق
‏واللي كتبت بدفترك لاتشقّه

‏بكرا الفرح يوقف على الباب ويدق
‏وتنسى الحزن كلّه مع أدناة دقّة

‏وإذا لقيت الرقعة أصغر من الشقّ
‏ترا البنآدم منخلق للمشقّة

......

حطيت لهروج المهبل ملفات
‏وحطيتها تحت القدم وارفعتني

‏وحطيت لهروج النشاما بطاقات
‏وحفظتها فالمحفظِه و انفعتني

‏ليت العمر مسجد والايام ركعات
‏و يا ليتني لاتبت مااعيد ذنبي

‏مهما تجرب من شعور الملذات
‏مافيه أجمل من شعور المصلي

سعد بن جدلان

‏المحبّه أنت وأنت الغير عادي
‏من عرفتك والمشاعر مستقره

‏يبتسم يومي ويطرب بك فؤادي
‏راحتي برضاك حلّت كل مُره

‏هاك قلب وهاك عين وهاك غادي
‏دلّه لدربك وخذ خيره وشره

‏وش أبي بوجيه خلق الله وأنادي
‏وجهك الله خالقه طيب ومسره

......

‏أبطيت عنـي واشوفك مـا تكلمنــي
ماتدري اني اشوف النور من نورك

وان كـان تبغـى فراقـي لا تعلمنـي
خـلك مقفـي وانـا بتأمـل حضـورك

......

‏يا وقت آنآ لي صآحب وين دنيآه
‏غآبـت مرآسيله وغاب آتصـآله
‏

‏من عقب مآكنت آقضي آلوقت ويآه
‏آليــوم شفنا كـل وآحـد لحآله

......

‏لا هزك الشوق وأختلت موازينك
تعال أقرا شعوُري وأخر اخباري

وإذا خذلوك البشر وأقربّ محبينك
تذكر إني على عهد الوفاء باقي

......

‏يسعد مسا اللي على بالي سواليفه
‏اللي اذا صار حولي زانت اخلاقي


‏نبضي وانا والقصايد من مواليفه
‏والروح والبوح له والقلب يشتاقي

......

‏احيان توجعك وتهزك قارورة عطر

‏حتى لو انك تقول اني سليت ونسيت

‏يا ليتني مابكي الا مع نزول المطر

‏ما ودي احد يحس اني ضعفت وبكيت

......

في مهرتــي يانـاس بالحيل مفتون
والمـوت والله في محـاجـر عيوونه

هي اعذب اصناف العذوبه بهالكون
حتـــى مـــلاك الحـور مـايشبهونه

......