فوق هام السحب ( الشعر الشعبي) على متن القوافي

‏انا ادري ان الشووق ماله مواقيت
‏ولا له علاج و لا طبيب استشااري

‏من العصر وانا ادرّج خاارج البيت
‏ولـ الضيق في وجهي رسوم ومواري

‏ليين اذن المغرب وصلّو وصليت
‏ويطررري علي من الطواري طواري

‏حاولت اقاوم لهفة الشوق وازريت
‏ودقيت سلف الموتر وجيت ساري

......

‏مرتاح لو قالو مضيّع ومنجوم
‏ولاني مدوّر لـ الدلاله دلايل

‏من شاور بعمره هل الأرض محروم
‏لو شاف بعيونه نجوم القوايل

‏وأنا* لو آخذلي ليالي عن النوم
‏في عالم العشاق راعي صمايل

‏ياسيدة شعري فدى وجهك اللوم
‏ترى جروح الحب فيها جمايل

‏تمر سكينك على الجرح وأقوم
‏أضحك وأنا دمي على القاع سايل

‏لو تطعنيني خمس طعنات باليوم
‏مادامني مامت فالشك زايل

......

‏وشلون برضي غُروري فيك و أبدا منين
‏وانا أعطي افكاري التعبير ويخونها

‏دوّرت لك في كلام الحب عبر السنين
‏من جيل هالوقت لـ ليلى و مجنونها

‏كل الكلام اللي قد قالوه ماهوب زين
‏في حضرتك ياهدب عيني ويانونها

‏و أحبك إستنزفوها واجد العاشقين
‏محتاج كلمة جديده ما يقولونها

......

‏اتعلم من صواديفي وخيبة ظني
‏والخطا مانيب اعيده لا فعلته مره

‏والله اني مانويت فراقكم لكني
‏زادت اوجاعي وصدري قام يغلي حره

‏يمكن انها خيرةٍ من رازق المتمني
‏وانت وصلك شر وان الله كفاني شره

‏رح عسى دربك سفير وفارح ومتهني
‏وان وطاك الوقت لاتنسى حبيبك مُرّه

......

‏ناسً دفعت العمر فيهم بليا وعي
‏والي جنيته عيونً تنكر احبابها

‏تبرت طيوفهم منهم وراحت معي
‏لله در الطيوف اوفى من اصحابها

......

‏ترى عاد وجهك للقصايد وطن وبلاد
‏تدلّك مثل ما ادلّ حسنك لا ضيّعتك

‏لا تزعل من العذال والا من الحساد
‏لو ابيع عمري بعت عمري ولا بعتك

......

‏إذا جاد السكوت ولا لقيت إلا القصيد أفواه
‏ابكتب لين ما أوراق الدموع تْصير مبتلّة

‏ما عدت المستريح اللي طرب ناسه بحلو أحكاه
‏بديت أشعر بـ أن قلبي سار أرض محتلة

‏أشوف إن الطموح اللي تمنيته ماعدت أهواه
‏كرهته و أجمل أشيائي عليها الدمع منهلّه

......

‏لو هو صحيح الاوادم تفهم الخافي
‏ما كان قال المثل والخافيات أعظم

‏أهم شيّ كلمتي والموقف الوافي
‏والناس تفهم مثل ما ودها تفهم

......

‏لا تسولف لي عن أخبار الربيع
‏وأنت مرباع الخفوق ومطلبي
‏َ
‏َمشتهي في ساحل عيونك أضيع
‏لو تخالف مذهبك مع مذهبي

......

‏لا تعوّدني على شي وتغيّر
‏أَبسط أَبسط من ظنونك مطمعي

‏طبْ بين جروح مَفتونك تَخيّر
‏إدفن اقساها و ريّح مَسمعي

‏غنّ لي يا قبلة النّور المذيّر
‏انثري مِن طول ليلك واجمعي

‏لك وطن صدري تحت حكمك مْسيَّر
‏استبدّي واستردّي واقمعي

......