فوق هام السحب ( الشعر الشعبي) على متن القوافي

على فرصةٍ ضاعت على كاضمين الغيض
تعزووا بقو الباس والباس يرثابه

عسى الله يبدل سود باقي الليالي بيض
ويفتح بــ وجه المنتظر جملت ابوابه

......

‏مرت سنه فيها اشترينا وبعنا
شيٍ يدوم وشي ابلته الايام

كل عام والطيّب من الناس معنا
ولا الردي جعله يولي مع العام

......

‏اللي علـيه القصـيد منـثّر اعـجابه
اقول له صح زينك والشعر خلّه

ياقـصة الحـسن ياعينـه ومخـلابه
ياشمـسه الشـارقـه ياغـيمه وظلّه

......

زينك تعدا مرحلة صفوة الجيل
كنك خلقتي من فصيله لحالك

ملامحك مع العيون المظاليل
هذي علامه فارقه في دلالك

عاد الشعر لا فلته كنه الليل
غطى الردوف اللي تجيب المهالك

والخصر كنه يشكي الجوع والويل
متميزه في كل باقي خصالك

......

انـا تـمـنـيـتـك مـثـل ما تخيلت
لكـن لقيتك فـوق نظـرة خيـالي

مع البها بالملح واللطف سـيلت
ما مثل زينـك بالخـلايق حـلا لي

أصبحت بعيوني وبالقلب قيلت
واخذت نظـراتي وفكـري وبـالي

......

لعيـــون حسـادي تبسمــت للضـيق
مافيــه أحـد يقــــدر يعكــر مزاجي

اضحك مع اعدائي ولو نشفت الريق
وامرح ولو جـــوي غشـاه العجاجي

......

طبعي اكابـر واقلــب الضيـق ترويق
واعيـش حظــي في فـرح وابتهاجي

واحرق قلوب اللي بهم حقد تحريق
واغيـــض كل اللي يريـــد انزعاجي

......

يا لايمـين القلب في حـب نـوره
لو كان شـفتوهـا بعينه عذرتـوه

باللطـف والتقديـر دايـم تـزوره
باسبابهـا صافي مثل ما خبرتـوه

نوره سرور القلب واسمه ونـوره
هذي هي اللي في غلاها عذلتوه

......

يحــدني وقــتي عـلى شيّ مابيـه
وأمشـي على درب المجامل غصيبه

أشيل ضيقـات العتب والمشاريه
وأدفع من أعصابي وعمري ضريبه


......

‏لاضاق صدرك قول للضيق لاباس
بشكي لربي والقدر بكتفيبة

الصبر نعمه والحزن يوجع الراس
والعسر بعده يسر هاذاء الحقيقة

.....